@galaaseenaa1: Seenaa taphataa kanaa irraa maal baranna? Maqaan isaa Eberechi Eze jedhama. Hidda dhaloota Afrikaa gugurraa warra Naayjeeriyaa irraa magaala guddoo England London keessatti dhalate. Maatiin isaa kilaba onnee isaanii irraa jaalataniif deeggaran akka seenu hawwanii Akkadaamii beekamaa Arsenal Hale End geessanii galmeessisanii abjuuf fuuldura mucaa isaanii tolfachuuf gahee isaanii bahatan. Akkadaamiin kilabichaa garuu, "Hin dandeettu, akkadaamii keennaafis hin madaaltu!" jechuun gaggeesse. Mucaan umrii xiqqaa Eze'n abdii fi jaalala kilabichaaf qabu karaa maatiin gabbifataa guddate waan ta'eef, abjuun kilaba guddicha England kana keessatti guddachuu waan jalaa fashalaa'eef imimmaan cobsaa, boo'aa kilabicha gadhiisee bahuun Crystal Palas'tti dabalamee achi keessattis dagaagee guddate. Dandeettii isaa abdi kutannaa tokko malee waan argisiiseef ija kilaba gurguddaa keessa bu'uu eegale. Yeroo kana abjuun isaa dur dukkanaa'e sun deebi'ee balbala manasaa itti rurrukute. Kilaba kana dura Akkadaamii isaa irraa ari'etu gaaffii dhiyeesseefii innis abdii eeggachuu eegale. Kilaba London biraa Totinham irraas gaafiin nutti dabalamii dhiyaateef. Qalbiin isaa garuu, Kaaba London Arsenal bira jira. Abjuuf jaalala hin moofne. Arsenalis jalaa lash jennaan Totinhamitti dabalamuuf qophaa'ee qarqararra gahe. Sa'aatii 11ffaa dhumuu gahetti kilabni abjuu isaa ta'ee fi onnee isaa keessa jiru nutti dabalami jennaan, bakka deemuuf qophaa'e dhiisee Arsenaltti dabalame. Amma kunoo abjuun isaa dhugoomee kilaba ijoollummaa isaafi abjuu isaa ta'ee fi onnee isaa irraa jaalatu waliin Shaampiyoonaa England ta'ee, Champions league dhaaf immoo hamuummataa jira. Abdii kutachuu dhabuuf, abjuu ofiif amanamanii cimanii hojjennaan abjuuf abdii keenna milkeessuu akka dandeennu Eberechi Eze irraa barachuu dandeenna! Abjuuf abdiin keenya kan ijoollummaa sun akka Eberechi Eze kanatti nuuf haa milkaa'u! Isa ture Nagaan oolaa! #Nama_kaayyoo_qabu_ta #creatersearchinsights #ethiopian_tik_tok🇪🇹🇪🇹 #ethiopian_tik_tok🇪🇹🇪🇹🇪🇹🇪🇹 #iddoo_ooltuuf_nama_waliin_ooltu_adda_baafadhu