@adyrnakz: Astana AI Film Festival халықаралық AI-фильмдер байқауына өтінім қабылдауды бастады. Байқау әлемнің түкпір-түкпіріндегі креаторларға ашық және қатысу тегін. Фестиваль екі бағыттан тұрады: негізгі секция – «Өмір сүруге тұрарлық болашақ» тақырыбы, сондай-ақ режиссура, визуалды тіл, оқиға, концепция және кейіпкер бойынша ашық номинациялар. Негізгі талап – фильм толықтай AI технологияларының көмегімен жасалуы тиіс. Қатысушылар ұзақтығы 10 минутқа дейінгі қысқаметражды AI-фильмдерін жоба сипаттамасымен бірге aaiff.ai ресми сайтына жібере алады. Өтінімдер 2026 жылғы 15 тамызға дейін қабылданады. Фестиваль 2026 жылғы 28 қыркүйек – 1 қазан аралығында Астанада Astana AI Week аясында өтеді. Іріктеу нәтижесінде негізгі секциядан 10, ашық секциядан 15 жұмыс финалға шығады. AAIFF – AI көмегімен жасалған фильмдерге арналған халықаралық алаң. Бағдарламада фильм көрсетілімдері, конференциялар, панельдік пікірталастар және pitch-сессиялар қарастырылған. Фестивальдің жалпы жүлде қоры – 1 миллион АҚШ доллары.
