@x77_ip: على طاري غلاك اللي تجدد بالحنايا وبان ترى مابه ورا عوج الضلوع لـ غيرك مجَابه حبيبي واليالي لو تشين وتظلم الأزمان أنا لك فجر صادق يطرد الضيقات بـ أهدابه تعال ارمي همومك في وسط صدري الودود الزان أنا بيتك، وأنا دارك، وأنا أهلك، وأنا أحبابه أنا ما في نظامي لك برود وصَدّة وحرمان غرامي لك نهر دافي بـ كل الفصول صبّابه صحيح إن الحياه ظروف والفرقا لها تبيان ولكن العهد عهدٍ قطعته ومحدٍ عابه ملامح وجهك الطاهر عزا المحزون والندمان تبسّمك يزرع الضحكة بـ قلبٍ طالت غيابه تطمن يا بعد عمري وغلاي ومقصد الوجدان غلاك أكبر من حدود الزمان وعالم أغرابه أنا لولاك ما هاض الشِعر في خاطري ألوان ولا غنيت بـ عيونك قصيدٍ تِعشَق كتابّه يروح العمر وتشيب السنين وتهدم الجدران ويبقى حبك العذري بـ قلبي مشرع ابوابه أمانه كل ما حسيت بـ الخوف وْألم وحزان تذّكر قلبٍ يموت بـ هواك ويعْشَق تْرابه هذا صافي شعوري لك كتبته بـ أصدق الألحان فديت اسمك ونبضك والزمان اللي صرنا به#شعر #قصيد #قصايد #غزل #fyp

M

Open In TikTok:

Region: SA

Monday 25 May 2026 17:33:15 GMT