@ooooooo.ooooo8: لم يستوصو بنا خيراً يا رسول الله ...كسرو القواير والافئدة 💔 أصعب حاجة الزول يلقى نفسو اتخلو عنو من غير سبب… لا مشكلة واضحة، لا عتاب، لا حتى كلمة أخيرة. فجأة تلقى الانسان الكنت معتبره وطنك بقى غريب شديد. الوجع ما في الرحيل ذاته… الوجع في الأسئلة البتفضل تاكلك: "قصّرت في شنو؟" "كنت ساهلة للدرجة دي؟" "ليه مشى ساي؟" ونحنا البنات والله قلوبنا ما قاسية زي ما الناس فاكرة، بنزعل من التفاصيل، من التغيير، من البرود، من السكوت المفاجئ. البنت لمن تحب، بتحب بصدق شديد… عشان كدا التخلي بدون توضيح بكسرها . ورسالة لأي زول: لو ما داير تكمل، اتكلم. لو قلبك اتغيّر، وضّح. لكن ما تخلّي زول متعلق بيك يسهر الليالي يحاول يفهم هو غلط وين. الكلام الواضح أرحم من الغياب البارد، وأرحم من ألف تجاهل.