دە وەرەوە..؟ لەو شەوەدا کە تۆ ڕۆیشتی، باران بە توندی دەباری و شەقامەکان وەک دڵی من سارد و بێدەنگ بوون. من لە پەنجەرەکە وەستابووم و چاوم لە دوا هەنگاوی تۆ بوو، بەو هیوایەی دواجار بگەڕێتەوە و بڵێت «من ناتوانم بەجێت بهێڵم»... بەڵام تۆ نەگەڕایتەوە. تەنها سێبەری تۆ لە تاریکی شەودا ون بوو و من لەگەڵ هەموو ئەو وشانەدا مامەوە کە هەرگیز نەمتوانی وتنیان. ئەمساڵیش جەژن هاتەوە، بەڵام بۆ من تەنها ڕێکەوتێکی بێ ڕەنگە. هەمووان بە پەرۆشەوە خۆیان بۆ جەژن ئامادە دەکەن، جل و بەرگی نوێ دەپۆشن و چاوەڕوانی هاتنی کەسانی خۆشەویست دەکەن، بەڵام من... من تەنها چاوەڕوانی تۆم. جەژن لە دڵی مندا وەک وێرانەیەک وایە، چونکە ئەو دەنگەی کە دەبوو پیرۆزباییم لێبکات، تەنها بێدەنگییەکی قووڵە. دوای تۆ، ماڵەکەمان بووە شوێنی بێدەنگی. وەک ئەوەی هەموو شتێک باوەڕی نەدەکرد کە تۆ ڕۆیشتوویت. منیش هەر ڕۆژێک لەگەڵ ئەو یادگاریانە قسەم دەکرد، وەک کەسێک کە لە ترسی تەنیایی شێت بووبێت. شەوان زۆر قورس بوون. کاتێک هەموو خەڵکی دەخەوتن، من بە تەنها لە ژێر ڕووناکی لاوازی ژوورەکەم دادەنیشتم و نامەی بۆ تۆ دەنووسی. نامەی پڕ بوون لە پرسیار: «ئایا لەم جەژنەدا، تۆش وەک من بیرت کردووم؟» «ئایا یادی ئەو ڕۆژانە دەکەیتەوە کە پێکەوە جەژنمان دەکرد؟» «بۆچی بەو ئاسانییە ڕۆیشتی؟» بەڵام هیچ وەڵامێک نەدەهات. نامەکان کڵپەیان دەبوون، وەک خەمەکانم. «ئەگەر هەموو دونیا دژمان بیت، من هەر لەگەڵ تۆ دەمێنمەوە». ئەو ڕستەیە هێشتا لە گوێمدایە، بەڵام تۆ خۆت یەکەم کەس بوویت کە منی بەجێهێشت. لەو ڕۆژەدا تێگەیشتم هەندێ لە وتەکان تەنها بۆ جوانکردنی چرکەسات دروست دەکرێن، نەک بۆ مانەوە. من هەوڵمدا بگۆڕێم. هەوڵمدا پێبکەنم، لەگەڵ خەڵک قسە بکەم، ژیانێکی نوێ دەست پێبکەم... بەڵام لە ناو هەموو خەونەکاندا، شوێنی بەتاڵی تۆ هەر دیار بوو. هیچ کەس نەی دەتوانی ئەو بۆشاییە پڕ بکاتەوە. چونکە تۆ تەنها کەسێک نەبوویت؛ تۆ وەک بەشێک لە ڕووحی من بوویت. ساڵێک دوای ڕۆیشتنت، دایکم هات بۆ ژوورەکەم. چاوی بە نامەکان و وێنەکانت کەوت، بە ئارامی وتی: «هەندێ کەس هاتن بۆ ئەوەی فێرت بکەن چۆن دڵت بشکێت، نەک بۆ ئەوەی تا هەتایە لەگەڵت بمێنن». من هیچم نەوت. تەنها سەیرم کرد، چونکە دڵم هێشتا چاوەڕوانی دەڕگایەک بوو کە هەرگیز نەکراوەتەوە. ئیستا هەر شەوێک لە تەنیشت پەنجەرەکە دادەنیشم و باران سەیر دەکەم. هەندێ جار وا هەست دەکەم تۆ دێیتەوە، دەستت لەسەر دەڕگاکە دادەنێت و بە هەمان دەنگی ئاشنات دەڵێت: «ببوورە، درەنگ بوو». بەڵام جەژن تەواو دەبێت، شەقامەکان بێدەنگ دەبنەوە، و من هێشتا بە تەنها دەمێنمەوە... لەگەڵ دڵێکدا کە تەنها یەک پرسیاری تێدا ماوە🖤#foryou #r5ftt #naxi_mn #fyppppppppppppppppppppppp #foryoupage - @pg.dadabot