@maryam_alaosaimi: ✅ صلاة الفجر بوقتها.. الالتزام بصلاة الفجر بوقتها هو السر العجيب اللي بيصنع فرق كبيييير في يومك ونفسيتك. ✅ لا تصدق كل شعور يمر عليك.. ساعات تفهم موقف غلط أو تبالغ بتفسيره، ونتعب بسبب تفسيرك مو بسبب الحقيقة 🧠 ✅ تقبّل إن بعض القلوب تتغيّر مو كل شخص تبدأ معاه.. يكمل معاك . بعض الناس تتغيّر مشاعرهم، ويخلص دورهم في حياتك النضج إنك تتقبل التغيّر بدون ما تنهار، وتعرف إن قيمتك ما تنقص إذا أحد اختار يبتعد. خلّ قلبك متعلق برب العالمين ✅ لا تبالغ بشرح نفسك وتبرر اللي يبي يفهمك بيفهم من كلمة، واللي ما يبي.. ماراح تكفيه كل التبريرات. ✅ لمّا تحس بالحيرة والتعب.. حرك جسمك لا تقعد بمكانك تحرّك، صلّ، اكتب، أو ارسم.. ✅ كلم نفسك مثل ما تكلّم شخص تحبه وغالي عليك راقب شلون تكلّم نفسك ، تعلّم ترحم نفسك وتكلمها بعطف ✅ سامح نفسك على أخطاءك بس المهم ما تعيد الغلط أنت عايش عشان تتعلم، تنضج، وتتغير للأفضل. لا تعاقب نفسك طول العمر على أغلاط مرحلة قديمة طافت. ✅ استمتع برحلتك.. الحياة مو قائمة مهام مهم تخلصها تعلّم شلون تعيش وتستانس وأنت بالطريج. لا تؤجل بهجتك وراحتك لـ "بعدين" أو "لما يخلص الشغل. ✅ احمد ربك على كل صغيرة وكبيرة.. هذي مو إيجابية مزيفة، هذا يقين واشكر رب العالمين بقلب حاضر.. حتى على نِعمة إنك قمت الصبح بكامل صحتك وعافيتك. ✅ خصص وقت بيومك تقعد فيه بروحك بعد صلاة الفجر أو العشا. سبّح، استغفر، وتأمل نعم الله عليك. هالدقايق هي اللي تغسل قلبك وتريحك. ✅ التغافل الذكي.. أعلى مراحل السلام مو كل موقف، ولا كل شخص، ولا كل كلمة تستأهل إنك تحارب عشانها وتستنزف مشاعرك. وفّر مشاعرك للأمور اللي صج تسوى ✅ البهجة.. جَدّد روحك فيها تعلّم تسوي أمور تسعدك وتبهج قلبك العب، ارسم، امشِ حافي على الرمل، وسوّ الأشياء اللي تونسك. مع حبّي، 🌱✨

Maryam ALosaimi

Open In TikTok:

Region: KW

Monday 25 May 2026 19:28:22 GMT