🙏ရတနာဒီပံ ဂါထာ အနက်🙏 ဗုဒ္ဓေါ - သစ္စာလေးပါး မြတ်တရားကို ပိုင်းခြားသိမြင် ဘုရားရှင်သည် သဗ္ဗပါဏိနံ ခပ်သိမ်းသော သတ္တဝါတို့၏ ဟိတာယ - အစီးအပွား အလို့ငှာ လောကေ - လောက၌ ၊ သမုပ္ပန္နော - ဖြစ်ထွန်းပေါ်ပေါက်ပါစေသတည်း။ ဟိတ - ချမ်းသာခြင်းကိုဖြစ်စေသောအကြောင်း(အခွင့်အလမ်း) သုခ - ချမ်းသာခြင်း အစစ် အနုတ္တရံပုညခေတ္တံ - ကုသိုလ်မျိုးစေ့ချရန် လယ်ယာမြေကောင်း ****** ဗုဒ္ဓ တေဇေန အရိန္ဒမော ဗုဒ္ဓေါမေ ရက္ခန္တု နိစ္စံ။ ရန်အပေါင်းကို အောင်နိုင်သည့် ၊ ဗုဒ္ဓ ဘုရားရှင် ၏ တန်ခိုးတော်သည် ဘုရားတပည့်တော်အား ၊ အမြဲထာဝရ ၊စောင့်ရှောက်ပါစေသတည်းး ဓမ္မတေဇေန မဟာလာဘော ဓမ္မောမေ ရက္ခန္တု သဒါ။ ကြီးစွာသော ကောင်းကျိုးများ ရရှိသည့် ၊ တရားတော်မြတ်သည် ဘုရားတပည့်တော်အား အခါခပ်သိမ်း စောင့်ရှောက် နိုင်ပါစေသတည်းး ။ သံဃ တေဇေန မဟာယသော သံဃောမေ ရက္ခန္တု ဒိနေ ကြီးစွာသော အခြံအရံ ရရှိစေသည့် သံဃာ‌တော် အရှင်သူမြတ်တို့၏ တန်ခိုးတော်သည် ဘုရားတပည့်တော်အား ၊ နေ့စဉ်နေ့တိုင်း စောင့်ရှောက် နိုင်ပါစေသတည်းး။ ****** နမော တေ ဗုဒ္ဓဝီရတ္ထု ၊ ဝိပ္ပမုတ္တော သိ သဗ္ဗဓိ ။ သမ်ဗာဓပ်ပဋိပန်နောသ်မိ၊ တသာ ( မေ ) သရဏံ ဘဝ ။ ဝီရ - သီလနှင့်မွေ့လျော် လုံ့လတော်အတန်တန် ရှိခိုးမှန်ငြား မြတ်စွာဘုရား ။ တေ - သုံးဘုံကျော်ကြား ရှင်တော်မြတ်ဘုရားအား မေ - ဘုရားတပည့်တော်၏ ။ နမော - ကာယဝစီ မနောကြည်လျက် နှစ်သက်မြတ်နိုး ရှိခိုးခြင်းသည် ။ အတ္ထု - မုချယုံကြည် ဖြစ်ပါစေသတည်း ။ ဗုဒ္ဓ - ကြွင်းမဲ့ဥဿုံ အလုံးစုံကို အကုန်သိငြား မြတ်စွာဘုရား ။ တွံ - ဘေးရန်ကင်းငြား ရှင်တော်မြတ်ဘုရားသည် သဗ္ဗဓိ - နေ့ရောညပါ အခါခပ်သိမ်း ။ ဝိပ္ပမုတ္တော - ပါရမီတန်ခိုး ပယ်နှိမ်ချိုးသဖြင့် အမျိုးမျိုးသော အန္တရာယ်တို့မှ ကင်းလွတ်တော်မူသည် ။ အသိ - အလွန်သင့်လျော် ဖြစ်တော်မူပါပေ၏ အရှင်ဘုရား ။ အဟံ - မြတ်စွာဘုရားကို နေ့စဉ်အားထားပူဇော် ဘုရားတပည့်တော်မှာမူကား ။ သမ္ဗာဓပ္ပဋိပန္နော - ကျဉ်းမြောင်းခက်ခဲ ဒုက္ခနယ်စက်အတွင်းသို့ သက်ဆင်းကျရောက်နေရပါသည် ။ အသ္မိံ - ဝဋ်မကင်းသဖြင့် ညွှတ်ကွင်းပမာ ကိုယ်စိတ်ဆင်းရဲ ဒုက္ခမှန်စွာ ဖြစ်နေရပါသည် အရှင်မြတ်ကြီးဘုရား ။ တွံ - ဂရုဏာကြီးမား ရှင်တော်မြတ်ဘုရားသည် ။ တဿ (မေ) - မြတ်စွာဘုရားကို နေ့စဉ်အားထားပူဇော် ဘုရားတပည့်တော်၏ ။ သရဏံ - ဘေးရန်ကင်းပ ချမ်းသာရကြောင်း ပုန်းအောင်မှီခိုရာသည် ။ ဘဝ - ဂရုဏာမိုး သွန်းကာဖြိုးလျက် နှစ်သက်ကြည်ဖြူ ကူညီကယ်ယူတော်မူပါ အရှင်မြတ်ကြီးဘုရား ။ ****** ပထဝီဗလသုန္ဒရီ မြေထုအလား ကြီးမားလွန်မင်း ကောင်းမြတ်သော သည်းခံခြင်း ရှိတော်မူသော ဗောဓိ မဏ္ဍလေ ဗောဓိ မဏ္ဍိုင် မြေဦးကိုင် အရင်ဝန်း၌ အသင်္ချေယျံ သင်္ချာဖွဲ့ယှက် ရေတွက်မရ များမြောင်လှသော မာရသေနံ ဗိုလ်ပါရဲမက် လက်နက်စုံချင်း တိုက်ဖျတ်ခြင်းဌာ ချဉ်းကပ်လာသော မာရ်စစ်သည်တော်ကို သဗ္ဗညူ သိစရာရှိသမျှ တစ်စမကျန် ဧကန်သိတတ် ဘုရားရှင် ကိုယ်တော်မြတ်ကြီးသည် ဇယောယတာ ပါရမီ အဟုန်ဖြင့် မြေဝသုန်ရိုက် တုန်ဟည်းလျက် အောင်ခြင်းကြီး အောင်တော်မူသကဲ့သို့ တထာ - ထို့အတူ မေ - အကျွန်ုပ်အား မင်္ဂလံ - အောင်ကြောင်း အောင်ရာ မင်္ဂလာအဖြာဖြာသည် ဇယတု - ဖြစ်ထွန်းအောင်မြင်ပါစေသတည်း။ ****** ဗုဒ္ဓါ - သဗ္ဗညုဘုရားရှင်တို့သည်။ ဧဝံ အစိန္တိယာ - ဤသို့ မကြံစည်နိုင်သော သဘောရှိကုန်၏။ ဗုဒ္ဓဂုဏာ - ဘုရားရှင်တို့၏ ဂုဏ်ကျေးဇူးတော်တို့သည်။ အစိန္တိယာ - မကြံစည်နိုင်သော သဘောရှိကုန်၏။ အစိန္တိယေ - မကြံစည်အပ် မကြံစည်နိုင်သော ဘုရားရှင်တို့၏ ဂုဏ်ကျေးဇူးတို့ကို။ ပသန္နာနံ - ကြည်ညိုကုန်သော သူတော်ကောင်းတို့အား။ အစိန္တိယော - မကြံစည်အပ် မကြံစည်နိုင်သော။ ဝိပါကော - အကျိုးသည်။ ဟောတိ - ဖြစ်နိုင်၏။ ****** Phyo Thu #HTH - @astrologybyhth