@zayartbz7.new: ချောင်းဦးမြို့ပေါ်အခြေစိုက် စစ်တပ်က လက်နက်ကြီးများဖြင့် ရမ်းသန်းပစ်ခတ်သဖြင့် ကျီကုန်းရွာတွင် ကလေးငယ်များအပါအဝင် ပြည်သူ ၄ ဦး ဒဏ်ရာရ၊ ခင်မွန်ကျေးရွာသို့ စစ်တပ်က ဝင်ရောက်ပြီး ပြည်သူ ၇ ဦးကို ဖမ်းဆီး ရန်ကုန်၊ မေ ၂၆ စစ်ကိုင်းတိုင်း၊ ချောင်းဦးမြို့ပေါ်အခြေစိုက် အကြမ်းဖက်စစ်တပ်က မြို့ပတ်ပတ်လည်ရှိ ကျေးရွာများသို့ လက် နက်ကြီးများဖြင့် ရမ်းသန်းပစ်ခတ်ခဲ့သဖြင့် ကျီကုန်းကျေးရွာအတွင်း လက်နက်ကြီးကျည်ကျရောက်ပေါက်ကွဲကာ ကလေးငယ် ၂ ဦးအပါအဝင် အရပ်သားပြည်သူ ၄ ဦး ဒဏ်ရာရရှိခဲ့ကြောင်း ချောင်းဦးဆရာတော်က ရန်ကုန်ခေတ်သစ်သတင်းဌာနထံသို့ မိန့်ကြားသည်။ ယမန်နေ့ မေလ ၂၅ ရက်နေ့ ည ၁၁ နာရီ ၃၀ မိနစ်အချိန်ခန့်တွင် ချောင်းဦးမြို့ပေါ်၌ အခြေစိုက်ထားသော စစ်ကောင်စီတပ်က မည်သည့်တိုက်ပွဲမျှဖြစ်ပွားခြင်းမရှိဘဲ မြို့ပတ်ပတ်လည်ရှိ ကျေးရွာများသို့ ၁၂၀ မမ လက်နက်ကြီးများဖြင့် ရည်ရွယ်ချက်ရှိရှိ ရမ်းသန်းပစ်ခတ်ခဲ့ခြင်းဖြစ်သည်။ စစ်တပ်ကပစ်ခတ်လိုက်သော လက်နက်ကြီးကျည်များအနက် တစ်လုံးမှာ ကျီကုန်းကျေးရွာအတွင်းသို့ ကျရောက်ပေါက်ကွဲခဲ့ပြီး နေအိမ်တစ်လုံးမှ လူကြီး ၂ ဦးနှင့် ကလေးငယ် ၂ ဦး၊ စုစုပေါင်း အမျိုးသမီး ၄ ဦး ဒဏ်ရာရရှိခဲ့ခြင်းဖြစ်ကာ ၎င်းတို့အနက် လူကြီးတစ်ဦးမှာ ဒဏ်ရာပြင်းထန်ကြောင်း သိရသည်။ မြေပြင်တွင် စစ်ဘေးဒုက္ခသည်များနှင့် ဒေသခံပြည်သူများကို ကူညီစောင့်ရှောက်ပေးနေသည့် ချောင်းဦးဆရာတော်က "မနေ့ ည ၁၁ နာရီခွဲ မြို့ပေါ်ကနေ ၁၂၀ မမ တွေနဲ့ ရမ်းထုတာ။ ဘာတိုက်ပွဲမှမရှိဘူး၊ ဘာမှကိုမရှိဘဲ ဒီတိုင်းရမ်းထုတာ။ လက်နက်ကြီးထုတာက အကုန်ပတ်ထုတာ ဘေးရွာတွေရော။ အဲဒီမှာ ကျီကုန်းရွာထဲ တစ်လုံးကျပြီး ပြည်သူ ၄ ယောက်ထိတယ်။ ကံကောင်းတာက အိမ်ရှေ့က သစ်ပင်မှန်လို့၊ မဟုတ်ရင် အိမ်ထဲကွတ်တိပဲ။ အဲဒါဆို မိသားစုလိုက် သေကြမှာ။ ဒဏ်ရာရတဲ့ ကလေးငယ် ၁ ဦးကတော့ စကားမပြောနိုင်တဲ့ စွံ့အလေး။ လူကြီးတစ်ယောက်ကတော့ ဒဏ်ရာပြင်းတယ်။ ကျန်တဲ့သူတွေကတော့ စိုးရိမ်စရာမရှိပါဘူး"ဟု မိန့်ကြားသည်။ အကြမ်းဖက်စစ်တပ်က ချောင်းဦးမြို့နယ်အတွင်း တိုက်ပွဲဖြစ်ပွားခြင်းမရှိဘဲ မြို့ပေါ်အထိုင်စခန်းများမှနေ၍ လက်နက်ကြီးများဖြင့် ပတ်ဝန်းကျင်ကျေးရွာများကို နေ့ညမရွေး ရမ်းသန်းပစ်ခတ်မှုများ စနစ်တကျပြုလုပ်နေသဖြင့် ဒေသခံပြည်သူများမှာ အသက်အန္တရာယ်အတွက် အမြဲစိုးရိမ်ထိတ်လန့်နေရကြောင်း သိရှိရသည်။ အလားတူ စစ်ကိုင်းတိုင်း၊ ချောင်းဦးမြို့နယ်အတွင်းရှိ ခင်မွန်ကျေးရွာသို့ အကြမ်းဖက်စစ်တပ်က စစ်ကြောင်းထိုး ဝင်ရောက်စီးနင်းပြီး အမျိုးသမီး ၆ ဦး အပါအဝင် ဒေသခံပြည်သူ ၇ ဦးကို ဖမ်းဆီးခေါ်ဆောင်သွားကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။ ယမန်နေ့ မေလ ၂၅ ရက်နေ့ ညနေ ၄ နာရီ ၃၀ မိနစ်အချိန်ခန့်တွင် ချောင်းဦးမြို့နယ် "ဘက်စုံ" စစ်ကောင်စီတပ်ဂိတ်မှ အင်အား ၃၀ ခန့်ဖြင့် ထွက်လာသော အကြမ်းဖက်စစ်တပ်စစ်ကြောင်းသည် ခင်မွန်ကျေးရွာအတွင်းသို့ ရုတ်တရက် ဝင်ရောက်စီးနင်းခဲ့သည်။ ထိုသို့ စီးနင်းစဉ် ခင်မွန်ရွာသားများနှင့် အခြားရွာမှ ရောက်ရှိနေသည့် လင်မယားအပါအဝင် စုစုပေါင်း အမျိုးသား ၁ ဦးနှင့် အမျိုးသမီး ၆ ဦးတို့ကို မတရားဖမ်းဆီးခဲ့ပြီး လက်ရှိအချိန်တွင် ၎င်းတို့ကို ချောင်းဦးမြို့နယ် ဘက်စုံစစ်တပ်ဂိတ်၌ ချုပ်နှောင်ထားကြောင်း သိရှိရသည်။ "ချောင်းဦးမြို့နယ် ခင်မွန်မြောက်ဘက်က ဘက်စုံစစ်ခွေးခြံရှိတယ်လေ။ ဂိတ်အဲဒီမှာရှိတယ်။ နဂိုကတော့ မွေးမြူ ရေးခြံပေါ့။ အဲဒီမွေးမြူရေးခြံကို အထိုင်ချပြီး တပ်စွဲထားတာ။ ဘက်စုံနဲ့ ခင်မွန်နဲ့က မီတာ ၅၀၀ လောက်ပဲဝေးတာ၊ အရမ်းနီးတော့ သူတို့အဝင်အထွက် ခဏခဏရှိတယ်။ သူတို့မလိုရင် မလိုသလို ပြည်သူတွေကို ဖမ်းဆီးနှိပ် စက်တာ၊ အဓမ္မပြုကျင့်တာမျိုးတွေ ခဏခဏကြုံရတယ်။ ဒါကြောင့် ပြည်သူတချို့က ရွာပြင်ထွက်ရှောင်နေရတယ်။ ဒီဘက်စုံခြံနဲ့ မြပုလဲဂိတ်က စစ်ခွေးတွေက ပြည်သူတွေကို ဖမ်းဆီးပြီး အမျိုးသမီးဆိုရင် အဓမ္မပြုကျင့်တာမျိုးတွေပါ ရှိတယ်။ အခုဖမ်းသွားတာ ခင်မွန်ရွာကတင် မဟုတ်ဘူး၊ တခြားရွာက လင်မယားအတွဲတွေလည်းပါတယ်။ စုစုပေါင်း အမျိုးသား ၁ ဦးနဲ့ အမျိုးသမီး ၆ ဦးကို ဘက်စုံဂိတ်ထဲ ဖမ်းခေါ်သွားတာ။ နေအိမ်မီးရှို့တာမျိုးတော့ မရှိပါဘူး"ဟု ဒေသပြည်သူတစ်ဦးက ပြောဆိုသည်။ ချောင်းဦးမြို့နယ် ခင်မွန်ကျေးရွာသည် အကြမ်းဖက်စစ်တပ်၏ မကြာခဏ စစ်ကြောင်းထိုး ဝင်ရောက်စီးနင်းခြင်းနှင့် လူသတ်၊ ပြန်ပေးဆွဲခြင်းများကို စဉ်ဆက်မပြတ် ခံနေရသည့် ရွာတစ်ရွာဖြစ်သည်။ ၂၀၂၅ ခုနှစ် မေလ ၁၃ ရက်နေ့ကလည်း ချောင်းဦးမြို့ရှိ အထွေထွေအုပ်ချုပ်ရေးမှူးရုံး၊ မြပုလဲစက်သုံးဆီဆိုင်ဂိတ်နှင့် ခင်မွန်ဘက်စုံခြံတို့မှ စစ်သားများ ပူးပေါင်းကာ အင်အားအလုံးအရင်းဖြင့် ခင်မွန်ကျေးရွာအတွင်းသို့ စစ်ကြောင်းထိုးဝင်ရောက်ခဲ့ဖူးသည်။ ထိုစဉ်က အသက် ၂၀ အရွယ်ရှိ ရွာသား ကိုမျိုးခန့်ကိုကို ကို စစ်တပ်က ဓားဖြင့် မွှန်း၍ မလှုပ်နိုင်အောင် ရက် ရက်စက်စက် နှိပ်စက်ပြီးနောက် သေနတ်ဖြင့် အနီးကပ်ပစ်ခတ် သတ်ဖြတ်သွားခဲ့သည့်အပြင်၊ ကျေးရွာသား အမျိုးသား ၂၀ ကျော်ကိုလည်း စစ်မှုထမ်းရန်အတွက် အဓမ္မဖမ်းဆီးခေါ်ဆောင်သွားခဲ့သည်။@ZayarTBZ 11 News

ZayarTBZ 7.1News🍉

Open In TikTok:

Region: TH

Tuesday 26 May 2026 11:51:00 GMT