@jonh_thu_chaung: စစ်တပ်ရဲ့ စစ်ချီသီချင်းတွေက ဒုတိယကမ္ဘာစစ် စစ်ချီသီချင်းတွေကို စာသားပြန်သွင်းတဲ့ ကော်ပီသီချင်းတွေက အများစုရှိတာပါ။ "ညီစေနော် ညီစေနော် တပ်မတော်ချီလာသနော်" ဆိုတဲ့ မြန်မာပြည်ကာကွယ်မည်ဆိုတဲ့ စစ်ချီသီချင်းမပေါ်ခင်က ဂျပန်ခေတ်လူရွှင်တော်တွေက " စိန်ကြည်နော် စိန်ကြည်နော် လင်ယူပက်စက်သနော်။ ဂျပန်ကြီးက တိုကျိုပြန် ဗိုက်တစ်လုံးနဲ့ကျန်" ဆိုပြီးပျက်လုံးဖျက်ဆိုခဲ့ကြတာပါ။ BIA အတွက် စစ်ချီသီချင်းလိုလာတော့ အဲဒီ Hohei no Honryo ဂျပန်စစ်ချီသီချင်းကို ဆရာရွှေတိုင်ညွန့်က စာသားသွင်းပေးခဲ့တာပါ။ ဒီလိုပဲ ဂျပန်ရေတပ်သီချင်း Guakan Machi ကိုလည်း "ဗမာတို့ရဲ့ တပ်မတော်" ဆိုပြီး စစ်ချီသီချင်းမြန်မာမှုပြုခဲ့ကြပါတယ်။ အဲဒီသီချင်းမှာ "ဗမာ..ဗမာ ကမ္ဘာပေါ်မှာ ကြွားနိုင်စေဖို့ရာ" ဆိုပြီးအစချီဆိုကြပါတယ်။ အခု စစ်တပ်ထောက်ခံသူတွေ တင်နေကြတဲ့ "တူယှည်ကာတိုက်စို့"ဆိုတာလည်း ဒုတိယကမ္ဘာစစ်အတွင်းက ဂျပန်မြင်းတပ်စစ်ချီသီချင်းဖြစ်တဲ့ 愛馬進軍歌 (Aiba shingunka)ရဲ့ My beloved horse တဲ့သီချင်းပါ။ စာသားထည့်သွင်းတဲ့သူက မူရင်းသံစဉ်လည်းမပျောက်အောင် မိုးတွေကလည်း မစဲပဲ ရွာနေတယ် ဆိုတာကို "မိုးတွေဟာလည်း မစဲပဲ ယွနေတယ်" ဆိုပြီးသံစဉ်ကိုက်အောင် ထည့်သွားတာပါ။ စစ်ချီသီချင်းဆိုတာ စစ်တပ်တစ်တပ်ရဲ့ အမျိုးဂုဏ်၊ဇာတိဂုဏ် နဲ့ စိတ်ဓါတ်မြင့်မားလာအောင် ဆိုကြတဲ့သီချင်းတွေပါ။ ဒါပေမယ့် စစ်တပ်ရဲ့ စစ်ချီသီချင်းတွေက ကော်ပီ ခိုးချစာသားသွင်းတွေဖြစ်ကြပါတယ်။ တော်လှန်ရေးမှာလည်းကော်ပီသီချင်းတွေရှိပါတယ်။ တေးရေးနိုင်မြန်မာရေးတဲ့ "ကမ္ဘာမကြေဘူး" ဆိုတဲ့ သီချင်းဟာလည်း Kansas ဆိုတဲ့ rock အဖွဲ့ရဲ့ Dust in the wind ဆိုတဲ့သီချင်းကို ကော်ပီယူထားတာပါ။ ၂၀၂၁ နွေဦးတော်လှန်ရေးမှာတော့ လူငယ်တွေဟာ အဲဒီသီချင်းကို ကော်ပီသီချင်းဖြစ်တာကြောင့်ရော နိမိတ်မကောင်းတာကြောင့်ရော မဆိုကြတော့ပါဘူး။ အဲဒီအစား ၁၉၈၈နောက်ပိုင်း ထူးအိမ်သင်တောခိုခဲ့တုန်းက ရေးသားခဲ့တဲ့ သွေးသစ္စာသီချင်းကို ပြောင်းဆိုခဲ့ကြတယ်။ သံစဉ်ရော စာသားရောက ကိုယ်ပိုင်သံစဉ်တွေဖြစ်တာမို့ ကမ္ဘာကနားထောင်းမိတဲ့အခါ တော်လှန်ရေးအပေါ် အထင်သေးစရာမရှိအောင် လည်းပါပါတယ်။ ဒါပေမယ့် တပ်က သူ့တို့ရဲ့ထုံးစံအတိုင်း အဲဒီသီချင်းက အရင်ကတည်းကရှိသယောင် ပုံစံမျိုးနဲ့ စာသားသွပ်သွင်းပါတော့တယ်။ လူတွေရဲ့ဘိုးဘွားပိုင်မြေကို အတင်းခိုးယူပြီး တပ်ပိုင်မြေပြု၊ ပုဂ္ဂိုလ်ရေးပိုင် နာမည်တွေပြောင်း။ လူတွေရဲ့ ပစ္စည်းတွေ ပိုင်ဆိုင်မှုတွေကိုခိုးယူ။ နောက်ဆုံး အမေတွေရဲ့ သားတွေကိုအတင်း ခိုးယူပြီး ရှေ့တန်းမှာ သူတို့ကိုကာဖို့အတွက် လူသားတံတိုင်းကာနေတဲ့ တပ်က သီချင်းတစ်ပုဒ်ခိုးတယ်ဆိုတာ မဆန်းပါဘူး။ သူတို့ဗီဇကိုက သူခိုး ဓါးပြ ဗီဇကိုး။ အနည်းဆုံးတော့ သွေးသစ္စာသီချင်းသံစဉ်ကို ပေါ်တင်တီးလို့ရသွားမှာပါ။ စာသားကတော့ လူတိုင်းရင်ထဲမှာလိုက်ဆိုပါလိမ့်မယ်။

Johnny Chaung

Open In TikTok:

Region: TH

Wednesday 27 May 2026 03:56:55 GMT