@emine_nesirova: Anası ölən insanın içində bir boşluq qalır… o boşluq nə zaman dolur, nə zaman azalır — bilinmir. Sadəcə öyrənirsən onunla yaşamağı. İlk günlər hər şey sanki dayanır. Səslər eyni olur, insanlar danışır, həyat davam edir… amma sənin içində həyat bir az susur. Elə bil dünya öz yoluna gedir, sən isə bir nöqtədə ilişib qalmısan. Çünki “ana” deyilən o ən böyük dayaq artıq yoxdur. Sonra günlər keçir. İnsanlar deyir: “Zaman sağaldır.” Amma heç nə tam sağalmır. Sadəcə insan alışır. Ananın yoxluğuna alışmaq isə ən ağır vərdişdir. Çünki hər şeydə onu axtarırsan: bir yeməyin dadında, bir sözün təsəllisində, bir köhnə xatirənin kölgəsində… Gecələr daha çətin olur.Sakitlik başlayanda içindəki səs daha ucadan danışır. “Kaş burada olsaydı…” deyirsən. Bir şeyi paylaşmaq istəyirsən, sonra xatırlayırsan ki, artıq zəng edəcəyin o ən doğma nömrə yoxdur. Yazmaq istədiyin mesajlar cavabsız qalır. İnsan böyüyür deyirlər, amma ana gedəndə insan bir tərəfdən həmişə uşaq qalır. İçində bir balaca səs daim onu çağırır. Sanki hardasa qayıdacaq kimi…Sanki bir gün qapı açılacaq və o yenə “gəl, yorulmusanmı?” deyəcək. Amma gəlmir… Buna baxmayaraq, insan yaşamağa davam edir. Çünki ana yalnız sevgi vermir-yaşamaq gücü də qoyub gedir.Onun səsi xatirələrdə yaşayır,duası ürəklərdə qalır, sevgisi isə heç vaxt bitmir Və insan hər ağladığında anlayır: ana itirmək unudulan bir yara deyil…sadəcə öyrəşilən bir ağrıdır.Amma o ağrının içində belə,bir sevgi yaşayır-heç vaxt sönməyən,heç vaxt azalmayan bir sevgi... #🖤 #anam #🥀

🖤

Open In TikTok:

Region: AZ

Wednesday 27 May 2026 07:08:19 GMT