افضل واعظم رجل في العالم.. زوجي حبيبي قرة عيني قصة حب دامت ل 6 سنة وختمناها بالزواج كان دائما بقول لي بعرسك بعرسك وانا غيرك ماداير وهو كان وضعو مابسمح انو يتزوجني لا بيت لا قروش ولا حاجة ماعندو كنت بدعي ربنا انو يجمعني بيهو بالحلال في كل صلاه وسبحان الله مغير الاحول.. هو خلص جامعة وعندو شهادة بس عارفين شغل في السودان ماف وفي نفس الوقت اتقدم لي ود عمي وانا رفضتو ابوي قال ود عمك يعرسك يعرسك ولا الزول المنتظراهو د خلال 5 شهور لو ماجاء علي بالطلاق وطلقانة امك طلاق ثلاثة يعرسك ود عمك هنا بقيت ابكي وابكي اليوم كلو ومشيت اتصلت ليه وكلمتو بالحاصل كلو وقلت ليه قدامك فرصة 5شهور لو م اتقدمت وعملت خطوة انا ح اكون لغيرك قاال لي 5 شهور مابتكفي انو اتقدم واعرسك وانا لا عندي بيت ولا عندي قروش زعلت شديد انا وبقيت ابكي قال لي ست البنات ماتبكي وانا بوعدك انو غيري ماف راجل بمسك يدك بالحلال عدينا فترة شهر كامل ولسه م حصل اي تغير والشهر التاني برضو ماحصل اي تغير والشهر التالت ماحصل اي تغيير والشهر الرابع برضو ماحصل اي تغيير انا خلاص الدنيا ضاقت بي وبقيت لا باكل ولا بشرب وزعلانة شديد وود عمي جاي يعمل خطوة رسمية.. سبحان الله بين يوم وليلة الوضع كلو اتغير هو كان مصاحب ود عمي وقال ليه انا داير بت عمك دي وعمك قال انا حاجزها ليك وحالف طلاق لو انا م اتقدمت حايزوجها ليك.. قال ليه ماعليك من الموضوع دا انت يا صاحبي زي اخوي وواحد وانا بت عمي اديتك ليها ومن دربي دا بمش وبقول لي عمي انا بتك مادايرها ومابتنفع معاي ولو زعل عمي مني مامشكلة انا فداك يا صاحبي وفعلا جا البت وكلم ابوي بنفس التفاصيل وقال ليه انت زاتك م تستاهلها بتي دي وكنت فاكراك راجل لكن طلعت كلام ساي.. ومشي طوالي كلم صاحبو قال ليه انا بت عمي طلعت منها وعمي زعلان مني وعشانك بس ياصاحبي يلا جهز نفسك واعمل خطوة طوالي.. وسبحان الله ربنا سهل كل شي بعديها جاتوو منحة شغل خارج شهر شهرين شغال اخد قرض واسثمر والشغل ظبط معاهو اول خطوة اتقدم وابوي طوالي وافق عشان زعلان من ود عمي وانا هنا حسيت باني خلاص حاكون حلالو وانتظرنا شهرين عملنا احلا واجمل عقد في السودان قال لي انا م نازل السودان بجهز ليك تجيني بس جهزت كل شي وسافرت وكان اجمل واحلا احساس لمن شفتو قدامي وحضنتو بالحلال هو كان ببكي وانا ببكي ماقادرين نصدق انو نحنا بقينا لبعض بالحلال والحمدلله اشترينا بيت في السودان وعربية اخر موديل وهسي في فرنسا ومعانا اجمل بنوتة في الدنيا وبوصل رسالة للاولاد لمن تحبو خليكم مخلصين حبيبتك دي عرسها عرسها عافر اصبر جازف اشتغل لازم تتصرف تعرسها ورسالة للبنات حبي الراجل البخاف عليك شديد الراجل الحنين واصبري معاهو بعرسك بعرسك ماتعايني للقروش القروش بتجي بعد العرس ماتهتمي انو ماعندو بيت ولا عندو عربية بعد تجتمعو بالحلال ربنا ح يكرمكم برزقو الحب النهايتو زواج حلو شديد وشكرررررا ليكم وربنا يجمع اي اتنين مع بعض #ملحوظة القصة البيت حبيبي ود عمي زوجي الحكاها لي❤️❤️❤️ - @..elarees