ساندوتش بلاتر مخصوص للناس اللي ماياكلون لحم بالعيد 🐏💗 طلبت كل المقاضي من @هنقرستيشن | Hungerstation - سيزر راب : استخدمت دجاج ستربس جاهز مع خس، والصوص كان عبارة عن زبادي يوناني، ليمون، ثوم، ملح، فلفل اسود وجبن بارميزان. قطعت كل المكونات مع بعض واضفت فوقهم جبن بارميزان زيادة، بعدها حطيت الحشوة داخل خبز التورتيلا بعد ماحمصته شوي ولفيته وقطعته وقدمتـه 🤍 ساندويتش الـ BMT: حمصت خبز البريوش وبعدها دهنته بشوية خردل، وحطيت داخله ديك رومي وبيكن بعد ما شوحتهم على النار شوي. بعدها اضفت جبن شرايح وخليته يذوب، وفوقهم سلطة خس عبارة عن خس مقطع مع صوص رانش وبهارات ايطالية وشوية خل وعسل. بعدها قفلت الساندويتش وقدمتـه ✨ ساندويتش البيض بالبصل المكرمل: كرملت البصل الاحمر لين ذبل واخذ لون وتكرمل، بعدها اضفت له شوية سكر. وفي نفس المقلى سويت البيض بعد ماخلطته مع شوية كريمة وزبدة وملح، وخفقته على نار هادية لين صار كريمي ولذيذ. بعدها حطيته داخل خبز البريوش مع البصل المكرمل وشوية سيراتشا ولبنة وبس 🤍 الكلوب ساندويتش: اخذت ٣ حبات توست ودهنت كل طبقة بالصوص اللي سويته من: مايونيز، خردل، كاتشب، صلصلة فرنسية، صويا صوص حلوة، ورشستر شويه، ومويه مخلل. بعدها حطيت دجاج ستربس وجبن بين كل طبقة والثانية، وحمصت الساندويتش بالحماصة لين تحمر وقطعتها ✨ قدمت كل الساندويتشات في بلاتر مع انواع بطاطس ومخلل والباقي من صوص السيزر، وعليكم بالف عافية 💗 - اعلان 🌟🌟🌟 - #قبل_الكل - @noor3_33