നെയ്‌മറുടെ പരിക്കുകാലത്ത് തുണയായത് ക്രിസ്റ്റ്യാനോ റൊണാൾഡോ മാത്രം; വെളിപ്പെടുത്തലുമായി ബ്രസീലിയൻ താരം! പരിക്കേറ്റ് കളിക്കളത്തിന് പുറത്തിരുന്ന കരിയറിലെ ഏറ്റവും കഠിനമായ ഘട്ടത്തിൽ ഫുട്ബോൾ ലോകത്ത് നിന്ന് തനിക്ക് ലഭിച്ച പിന്തുണയെക്കുറിച്ച് മനസ്സ് തുറന്ന് ബ്രസീലിയൻ സൂപ്പർ താരം നെയ്‌മർ ജൂനിയർ. നീണ്ട ഒരു വർഷത്തോളം ഫുട്ബോളിൽ നിന്ന് വിട്ടുനിൽക്കേണ്ടി വന്നപ്പോൾ പോർച്ചുഗൽ ഇതിഹാസം ക്രിസ്റ്റ്യാനോ റൊണാൾഡോ മാത്രമാണ് തന്റെ സുഖവിവരങ്ങൾ അന്വേഷിച്ചതെന്ന് നെയ്‌മർ വെളിപ്പെടുത്തി. നിലവിൽ സൗദി പ്രോ ലീഗിൽ കളിക്കുന്ന ഇരുതാരങ്ങളും തമ്മിലുള്ള സൗഹൃദത്തിന്റെ ആഴം വ്യക്തമാക്കുന്നതാണ് ഈ വാക്കുകൾ. പരിക്കിന്റെ കാലത്തെക്കുറിച്ച് നെയ്‌മർ പറഞ്ഞത് ഇങ്ങനെ: "എനിക്ക് പരിക്കേറ്റ് ഏകദേശം ഒരു വർഷത്തോളം പുറത്തിരിക്കേണ്ടി വന്നപ്പോൾ, എന്റെ റിക്കവറിയെക്കുറിച്ചും സുഖവിവരങ്ങളെക്കുറിച്ചും വ്യക്തിപരമായി അന്വേഷിച്ച ഒരേയൊരു കളിക്കാരൻ ക്രിസ്റ്റ്യാനോ റൊണാൾഡോ മാത്രമായിരുന്നു." - @saifukl10vp