@bilgen.durys: ⚡️Атырауда бүтін бір отбасының өліміне қатысты сотта жаңа сұмдық деректер айтылды. Айыпталушы Сұлтан Сәрсемәлиев тергеу барысында бірнеше адамға пышақ жарақатын салғанын мойындады. Жауап алу кезінде ол Наурыз Мұқанғалиевті қасақана өлтірді деген айыппен келіспейтінін мәлімдеді. Айтуынша, ер адам “абайсызда” қаза болған, ал өзі сол сәтте тек қорғанғанын айтқан. Алайда басқа эпизодтар бойынша Сәрсемәлиев кінәсін толық мойындады. Оның сөзінше, Максот Қарабалинге тоғыз рет, Үтешқалиеваға сегіз рет, ал Мейрамгүл Қарабалинаға 32 рет пышақ сұққан. Сотта мемлекеттік айыптаушы Наурыз Мұқанғалиевтің өліміне қатысты да жантүршігерлік деректерді жариялады. Тергеу нұсқасына сәйкес, күдікті әйелінің ағасын өлтіріп, денесін өзі жалдап тұрған үйдің ауласына көмген. Айыптау тарапының мәліметінше, қылмыстың ізін жасыру үшін ол түн ішінде шұңқыр қазып, мәйітті ғимарат іргесінің маңына жасырған. Сот-медициналық сараптама сүйектің жер астында 6-8 ай жатқанын анықтаған. Сонымен қатар айыпталушы марқұмның жеке заттарын иемденіп, қылмыс құралы мен мәйіт оралған кілемді қоқыс полигонында өртеп жібергені айтылды. Сәрсемәлиев сондай-ақ ұрлық, алаяқтық және құжаттарды заңсыз иемдену баптары бойынша да кінәсін мойындаған. Оның айтуынша, бұл әрекеттердің бәрі қылмыстың ізін жасыру үшін жасалған. Тергеу мәліметінше, қаза тапқандар айыпталушының қайын жұрты болған. #атырау #жаңалықтар #қазақстан #рек #bilgendurys

BILGEN DURYS

Open In TikTok:

Region: KZ

Thursday 28 May 2026 11:17:28 GMT