@ann.tar6: "နောင်တမရတဲ့ နှုတ်ဆက်ခြင်းနဲ့ ဝေးဝေးကပဲ ချစ်နေပါ့မယ်" "ငါ့ရဲ့ မေတ္တာတွေက မင်းအတွက် ဝန်ထုပ်ဝန်ပိုး ဖြစ်နေမှန်း သိလိုက်ရတဲ့အချိန်မှာ ငါ့ကိုယ်ငါ တကယ်ပဲ အားနာမိသွားတယ်...။ ငါကတော့ မင်းအတွက် အကောင်းဆုံးတွေပဲ ပေးဆပ်ချင်ခဲ့တာပါ။ ဒါပေမဲ့ အဲဒီ စေတနာတွေက မင်းရဲ့ လွတ်လပ်ခွင့်တွေကို ခြိမ်းခြောက်နေတဲ့ အနှောင့်အယှက်တွေ ဖြစ်နေခဲ့မယ်ဆိုတာ ငါ မတွေးမိခဲ့ဘူး။ ငါ့ကြောင့် မင်း စိတ်အကျပ်အတည်း ဖြစ်နေရတာကို သိလိုက်ရတဲ့ တစ်ခဏမှာတင်... ငါ့ရဲ့ အတ္တတွေကို ရုပ်သိမ်းဖို့ ဆုံးဖြတ်လိုက်ပါတယ်။ မင်းဆီကို မကြာခဏ ပို့နေကျ စာတိုလေးတွေ... မင်း ဘာလုပ်နေလဲ သိချင်လို့ ခေါ်မိတဲ့ ဖုန်းခေါ်ဆိုမှုတွေ... ပြီးတော့ မင်းရဲ့ အကြောင်းတွေကို တကောက်ကောက် လိုက်မေးနေမိတဲ့ ဂရုစိုက်မှုတွေ... အဲဒါတွေ အားလုံးကို အခုကစပြီး ငါ ရပ်တန့်ပေးလိုက်ပါပြီ။ မင်းရဲ့ တန်ဖိုးရှိတဲ့ လူတွေကြားထဲမှာ ငါက အပိုလူတစ်ယောက်အနေနဲ့ အနှောင့်အယှက် မပေးချင်တော့လို့ပါ။ 'နေကောင်းရဲ့လား' ဆိုတဲ့ မေးခွန်းလေးတောင် မင်းအတွက် စိတ်ရှုပ်စရာ ဖြစ်နေမှာစိုးလို့ ငါ့ရဲ့ စိုးရိမ်မှုတွေကို အပြီးတိုင် သိမ်းဆည်းလိုက်မယ်။ ငါ မရှိမှ မင်း ပိုပြီး လွတ်လပ်မယ်၊ ပိုပြီး ပျော်ရွှင်မယ်ဆိုရင်... ငါ့ရဲ့ တိတ်ဆိတ်ခြင်းနဲ့ပဲ မင်းကို ကူညီပါရစေ။ ငါ့ဘက်မှာ ဘယ်လောက်ပဲ နာကျင်နေပါစေ၊ ဘယ်လောက်ပဲ လွမ်းနေပါစေ... မင်းကိုတော့ မသိစေရတော့ဘူး။ ငါဟာ မင်း မြင်ကွင်းထဲကနေ လုံးဝ ပျောက်ကွယ်သွားပေးပါ့မယ်။ မင်း တန်ဖိုးထားရတဲ့ သူတွေနဲ့ပဲ မင်း စိတ်ချမ်းသာပါစေ။ ငါ့အတွက်ကတော့... မင်း ပျော်နေတာ မြင်ရရုံနဲ့တင် လုံလောက်ပါပြီ လေ....။