Runtii ma aqaano erayo igu filan oo aan kugu tilmaamo, sababtoo ah wax kasta oo aan iraahdo wuu ka yar yahay qiimaha aad qalbigayga ku leedahay. Mar kasta oo aan isku dayo inaan kuu sawiro sida aad ii tahay, erayadu way igu yaraadaan, hadalladuna ma gaaraan dareenka dhabta ah ee igu jira. Wax kasta oo wanaag lagu sheego adigaa kasii wanaag badan, wax kasta oo qurux lagu tilmaamo adigaa kasii qurux badan, wax kasta oo qiimo lehna adigaa kasii qiimo badan. Adigu ma tihid qof caadi ah oo nolosheyda soo maray, waxaad tahay iftiin ii ifaya marka mugdi i hareeyo, waxaad tahay degganaanshaha qalbigayga marka uu buuq iyo walbahaar dareemo. Markaan daalo, adiga ayaan ku xasuustaa; markaan farxo, adiga ayaan la wadaagaa; markaan murugoodana, magacaaga ayaa qalbigayga dejiya. Joogitaankaaga kaliya ayaa iga dhigaya qof ka farxad badan sidii hore. Waxaad tahay hadiyadda ugu qaalisan ee Ilaahay igu mannaystay, qof aan mar walba ku faano, ku qadariyo, kuna mahadiyo. Wanaaggaaga, edebtaada, naxariistaada, iyo qalbi furnaantaada mid walba waa mid aan la qiyaasi karin. Qof kasta wuu wanaagsanaan karaa, balse adigu wanaaggaaga waa mid qalbiga taabta, waa mid la dareemo, oo aan indhaha oo keliya lagu arag ee qalbiga lagu arko. Mararka qaar waxaan is raahdaa: "Sidee baan u helay qof sidan oo kale ah?" Laakiin jawaabtu waa in Ilaahay igu karaameeyay. Adigu waxaad tahay qofka aan ku aamino sirteyda, ku tiirsado marka aan tabar dareemo, oo aan ku arko mustaqbal qurux badan. Noloshaada la'aanteed midab ma leh, adiga ayaana u ah midabka iyo macnaha ay leedahay. Haddii la yiraahdo wax kasta oo qaali ah waa la ilaaliyaa, ogow in qalbigaygu kuu yahay meel ammaan ah oo lagu dhowro, laguna qariyo jacaylka aan kuu qabo. Qiimahaaga ma aha mid ku xaddidan hal maalin ama hal dareen, waa mid sii kordhaya maalin kasta, waana mid aan dhammaanayn. Runtii, wax kasta oo wanaag ah adigaa kasii wanaag badan, wax kasta oo qiimo lehna adigaa kasii qiimo badan. Qalbigayga dhexdiisa waxaad ku leedahay meel aan cid kale lagu beddeli karin, meel aan la wadaagi karin, meel kuu gaar ah oo aad mudan tahay. ❤️🥺 - @0.0.0.0.0.1.06