@husseinf_: عَلَامَك يَا وَطَن كِثْرَت عَلَيْك الفُوس هَدْماً وَالمَعَاوِل بِيْك مَعْمُوْلَة يَاهُو الوَهْمَك بِالغَنَم يَسْرَح ذِيْب وَلِيْش انْطِيْت صُوْفَك غِيْر غَازُوْلَة شِجَاك وَبِعْت سِرَّك وَانْتَ سِرَّك بِيْر وِمْغَطَّى بْطَلَاسِم مَحَّد يْنُوْلَه ضَاع القُفُل مِنْك لَوْ نِسِيْت البَاب وَخَلَّيْت الحَرَامِي يْطِبَّلَك بْطُوْلَه بِيْتَك خِزْنَة الله وِفَاتِح البِيْبَان وِغِيْرَك كِلْشِي مَاكُو وِبْوِبَه مَقْفُوْلَة عِدْمَن أَمَّنِتْنِي وِنَاس تَاكِل نَاس وَأَقْطَاب السِّيَاسَة بْغِيْرِي مَشْغُوْلَة إِذَا عَن الأَحْزَاب الفَضِل لله هْوَاي بَس وَاحِد يِگِل لِلثَّانِي حِزْبُوْلَه وَالحَل وَالعِگِد بِيْدِيْن أَبُو الجِنِّيْب عُذْراً يَا وَطَن هَم هَاي مَعْقُوْلَة ؟ مُو عُمْرَك سِبِعْتَالَاف شِنْهِي شْبِيْك شُو رَدَّيْت تِزْحَف هَاي مَعْقُوْلَة ؟ وِيَا رَاعِي النَّفَط رَاح النَّفَط نِهْبُوْه وَالزِّئْبَق الأَحْمَر كِنْسَوْا أْحْقُوْلَه وَعَلَى الأَحْوَط وُجُوْباً بَعْد مَا كِنْسُوْه رِكْعِتِيْن بْشَرِع زَلْمَاي صَلُّوْلَه مِن بَاب العَدَالَة وْحِفِظ حَق النَّاس سَوَاءً تِنْقِبِل أَوْ غِيْر مَقْبُوْلَة المُهِم بَاگُوْا وْصَلَّوْا وِانْتَهَى المَوْضُوْع وَكِلْمَن شَال حِصَّتَه وْتَرَّس عْدُوْلَه وِرْدِيْنَا نِتْگَاوِد بَس أَنَا وْچِلُوْب نِرْكِض عَلَى المَامِش وَالعَشَة تُوْنَة #عطا_السعيدي #شعر #شعراء_وذواقين_الشعر_الشعبي #fyp #explore

حُسَيْن فََاخِر

Open In TikTok:

Region: IQ

Friday 29 May 2026 10:59:03 GMT