@dailyreposts05: عارف!! برغم كل اللي حصل بينا، وبرغم الخناق والزعل والمسافات والكسرة اللي عيشتها بسببك.. كنت الحاجة الوحيدة في دنيتي اللي مكنتش أتمنى في يوم من الأيام تبقي مجرد ذكري، ذكري بتوجعني وكل ما افتكرها قلبي يتعصر والدمعة تقف في عيني. أنا حاربت عشانك ظروف ودنيا وناس، وفتحتلك حتة في قلبي محدش دخلها قبلك ولا هيلمسها حد بعدك، مكنتش عايزك تبقي "فترة" وتعدي في حياتي زي أي حد عابر.. كنت عايزك تكون العمر كله. مكنتش عايز نبقى أغراب بعد كل ده.. بعد كل التفاصيل، والأسرار، والضحك، والوعود اللي شيلناها سوا بليل. إزاي هان عليك؟ إزاي قدرنا نتحول من اتنين كانوا روح واحدة في جسدين، لاتنين غُربا لو اتقابلوا في الشارع بالصدفة هيديروا وشوشهم الناحية التانية؟ أصعب حاجة في الدنيا إنك تفرط في إنسان كنت شايفه هو أمانك الوحيد في وسط كوكب بيخوف، وتكتشف في الآخر إن غيابك عادي عنده ومفرقش معاه. أنا مش زعلان منك، أنا زعلان على العشم اللي مات، وعلى الأيام النضيفة اللي ضاعت ورا ضهرنا. أنا النهاردة واقف في مكاني، ببص لصورنا وبفتكر كلامنا، وبقول في سري: "يا خسارة الأصول، ويا خسارة كل خطوة مشيتها عشانك وأنت كنت بترتب للرجوع". تروح بالسلامة يا أغرب حد كان في يوم أقرب من نفسي ليا، ومسير الأيام تداوي وجع الذكرى.. حتى لو سابت علامة مابتتمحيش. #ريبوست

𝐉𝐔𝐒𝐓 . 𝐑𝐄𝐏𝐎𝐒𝐓

Open In TikTok:

Region: EG

Friday 29 May 2026 12:28:56 GMT