......... ኣብዛ ዓለም እቲ ዝዓበየ ዓወት ሃብታም ምኳን:ፍሉጥ ወይ ሓያል ምኳን:ወይ በዓል ስልጣን ምኳን ኣይኮነን::እቲ ዝዓበየን ዝኸበደን ዓወት ሰብ ምኳን እዩ:: ምንባርን ሰብ ምኳንን ዝተፈላለየ እዩ::ምንባር ተፈጥሮኣዊ ህያብ እዩ::ሰብ ምኳን ግን ብመዓልታዊ ዝህነጽ ናይ ጥበብን ስነ-ምግባራዊ ሞራል እዩ:: ዉሉደይ:-እዘን ዝነግረካ ናይ ህይወት ወርቃውያን ምኽርታት ኣብ ማህደር ልብኻ ጸሓፈን:: 👉ልብኻ ንኻልኦት ትራህርህ ናይ ወዲ ሰብ ሓቀኛ መለክዒ ትሕዝቶ ጅብኡ ዘይኮነስ ርህራሄ ልቡ እዩ::እንተደኣ ክኢልካ ኣብ ዝረኸብካዮ ኣጋጣሚ ሕያዉነትካ ዝራእ::ምሕጋዝ ማለት ጥረ ነገራት ምኽፋል ጥራይ ኣይኮነን:ሓዘንን ሓጎስን ደቂ ሰባት ምኽፋል እዉን እዩ:: 👉ቃልካ ኣኽብር ክብርኻን መንነትካን በቲ እትዛረቦ ቃላት እዩ ዝልካዕ:: እቲ እትኣትዎ መብጸዓ ኣብ መዓሙቕ ምድሪ ዝተቐብረ ጽኑዕ መሰረት ይሃልዎ::ንዘይትገብሮ ቃል ኣይትእቶ::ቃልካ ምኽባር ንገዛእ ርእሱ ዓቢ ክብሪ እዩ:: 👉ትሕትናን ኣኽብሮትን ይሃልኻ:: ፍልጠትካን ሃብትኻን ምስ ዝዉስኽ ትሕትናኻ እዉን ምስኡ ይወስኽ::ብትዕቢት እትረኽቦ ክብሪ ግዝያዊ እዩ::ብትሕትና እትረኽቦ ፍቕሪ ግን ዘልኣለማዊ እዩ::ድንን ምባል ስዕረት ዘይኮነስ ኣኽብሮት ሰብ እዩ:: 👉ኣብ እዋን ፈተና ጽኑዕ ኩን ህይወት ኩሉ ግዜ ዕንበባ ጽገሬዳ ኣይኮነትን::ህቦቡላ ምስ ዝለዓል ዝወድቕ ስለዚ ከምቲ ኣብ ዓሙቕ መሬት ዝበጽሕ ሱር ዘለዎ ድልዱል ገረብ ኩን:: ዉድቀት መወዳእታ ህይወት ዘይኮነስ ሓዱሽ ምዕራፍ ናይ ዝሓየለ ጅማሮ እዩ:: 👉ንኽፉእ ብሰናይ ሰዓሮ ሰባት ክፉእ ስለ ዝገበሩኻ ጥራይ ክፉእ ኣይትኹን:ከምኡ እንተደኣ ኮንካ ብኽፍኣቶም ተሳዒርካ ኣለኻ ማለት እዩ:: ንስኻ ግን ኩሉ ግዜ ኣብ ዉሽጥኻ ብዘሎ ሰብኣዉነት ለውሃትካ ኣመስክር:: 👉ናይ መወዳእታ መልእኽተይ እንበኣር :: ወደየ:-ዕድሜኻ እናወሰኸ ብዝኸዶ ቁጽሪ ዓለም ስም:ማዕርግ:ዝናን ክትህበካ ትክእል እያ::ነገር ግን እዚ ኩሉ ማዕርጋት ቀንቲትካ ገዛእ ነብስኻ ምስ እትምርምር"ሓቀኛ ሰብ"ይርከብ::ሰብ ምኳንካ እንተደኣ ኣረጋጊጽካ ድማ ናይ ህይወት ሓቀኛ ትርጉም ረኺብካዮ ኣለኻ ማለት እዩ:: ምስትዉዓሉን ጥበቡን ይዓድለና🙏ሰብ ንኹን!! - @r1651371