ပင်ပန်းနေပီးလား မမရေ… ဒီရက်ပိုင်း မမပင်ပန်းနေတာတွေကို ကြည့်ပီး တစ်ခါတလေ ဘာပြောပေးရမှန်းတောင် မသိတော့ဘူး… အပြင်မှာတော့ အဆင်ပြေသလို နေနေပေမဲ့ မမစိတ်ထဲမှာ ဘယ်လောက်ထိ မောနေလဲဆိုတာ မောင်နည်းနည်းတော့ ခံစားမိတယ် 🥺 ဘဝဆိုတာ တစ်ခါတလေ ကိုယ်ကြိုးစားသလောက် ပြန်မပေးတဲ့နေ့တွေလည်းရှိတယ် လူတွေကြားထဲရှိနေပီးတော့တောင် တစ်ယောက်တည်းလို ခံစားရတဲ့အချိန်တွေလည်းရှိတယ် စိတ်ပျက်ရတဲ့အရာတွေ များလာတော့ “မလုပ်ချင်တော့ဘူး” ဆိုတဲ့စိတ်တွေ ဝင်လာတတ်တာလည်း သဘာဝပါပဲ… လူကြီးဖြစ်လာလေ စိတ်ပင်ပန်းစရာတွေ များလာလေဆိုတာ တကယ်မှန်တယ်နော်… တစ်နေ့တစ်နေ့ ဘာတွေမှားနေမှန်းမသိပဲ စိတ်တွေညစ်လာတယ် တချို့အရာတွေကို မပြောချင်လို့ တိတ်ထားရင်း ပိုမောလာတယ် ကိုယ်တိုင်တောင် ကိုယ့်ကိုယ်ကို နားမလည်နိုင်တဲ့အချိန်တွေလည်း ရှိလာတတ်တယ်… ဒါပေမဲ့ မမရေ ဒီလောက်ခက်ခဲတဲ့ကြားကတောင် အားတင်းပီး ဆက်လျှောက်နေသေးတာကိုက အရမ်းတော်နေပါပီး… တစ်ခါတလေ “ငါမလုပ်နိုင်တော့ဘူး” လို့ထင်ရတဲ့နေ့တွေရှိမယ် ဘယ်လောက်ကြိုးစားကြိုးစား အဆင်မပြေတဲ့နေ့တွေလည်း ရှိမယ် ဒါပေမဲ့ အဲ့လိုနေ့တွေရှိလို့ မမရဲ့ကြိုးစားမှုတွေက အဓိပ္ပာယ်မရှိတာ မဟုတ်ဘူးနော်… တစ်ခါတလေ ခဏလောက်နားသွားတာက ရှုံးသွားတာမဟုတ်ဘူးနော် မောနေရင် အနားယူလို့ရတယ် ငိုချင်ရင်လည်း ငိုလိုက်လို့ရတယ် ဒါပေမဲ့ ကိုယ့်ကိုယ်ကို လက်မလျော့လိုက်နဲ့… ဘာလို့လဲဆိုတော့ မမရဲ့ကြိုးစားမှုတွေက တစ်နေ့နေ့မှာ သေချာပေါက် အရာထင်လာမှာမို့လို့…ပန်းတိုင်တစ်ခုကို ရောက်ဖို့ဆိုတာ အမြဲတမ်း လွယ်လွယ်ကူကူသွားရတာမှ မဟုတ်တာ တစ်ချို့လမ်းတွေက ပင်ပန်းတယ် တစ်ချို့အချိန်တွေက မျက်ရည်ကျစေတယ် ဒါပေမဲ့ အဲ့အရာတွေကပဲ လူတစ်ယောက်ကို ပိုမာကျောလာစေတာ… မမက အားနည်းတဲ့သူမဟုတ်ဘူး မမက ပင်ပန်းနေပီးတောင် ဆက်ကြိုးစားနေတဲ့သူ… အဲ့တာကြောင့် ကိုယ့်ကိုယ်ကို အရမ်းမဖိအားပေးနဲ့နော် မောနေရင် ခဏနားလိုက် စိတ်ညစ်နေရင် ခဏတိတ်တိတ်လေးနေလိုက် ဒါပေမဲ့ “လက်လျော့မယ်” ဆိုတဲ့အတွေးကိုတော့ အနားမကပ်စေနဲ့… ဘာလို့လဲဆိုတော့ အခုမမခံနေရတဲ့ ပင်ပန်းမှုတွေက တစ်နေ့နေ့မှာ မမပြုံးပီး ပြန်ပြောနိုင်မယ့် အမှတ်တရတွေ ဖြစ်လာမှာမို့လို့… မောင်ကတော့ မမကို အမြဲယုံတယ် မမဘယ်လောက်ပင်ပန်းနေပီး ဘယ်လောက်စိတ်ကျနေပါစေ နောက်ဆုံးမှာတော့ အားတင်းပီး ပြန်ထနိုင်မယ့်သူဆိုတာ သိတယ်… ဒါကြောင့် ဒီညလေးတော့ အရာအားလုံးကို ခဏမေ့ထားလိုက်နော် ဖုန်းလေးချထားပီး စိတ်ကို ဖြေလျော့ထားပီး “ငါဒီလောက်ထိတောင် ရောက်လာနိုင်ခဲ့တာပဲ” ဆိုပီး ကိုယ့်ကိုယ်ကို ဂုဏ်ယူပေးလိုက်… မမက လူတိုင်းထင်ထားတာထက် ပိုတော်တဲ့သူမို့ ဒီပင်ပန်းမှုတွေကိုလည်း သေချာပေါက် ကျော်ဖြတ်နိုင်မှာပါ 🤍 ပြီးတော့… မမအရမ်းမောနေတဲ့နေ့တွေမှာ “တစ်ယောက်တည်းမဟုတ်ဘူးနော်” လို့ ပြောပေးချင်တဲ့သူတစ်ယောက်တော့ ရှိနေတယ်… - @xuer404