@mohamedalmwaly: آه يحسين وأمصابه ................................................. خل يا دمعي دم مجراك وأنصب جادر أحزانك لحد كطع النفس لحسين أفتـــــــــــح دوم بيبانك كون بحركه من أتسيـــــــل فوك الوجنه نيشانك وكل مجلس عزه أمن أتروح كــون أتبلل أردانك ويهنياله اللطم صدره يواسي فاطمة الزهره حسينك منكطع نحره آه يحسين وأمصابه ....................................................... أسولفلك سوالف راح هـــــاي أسمعها وأرويها أبدي أمـــــــن العطش للماي وأخيامه وبواجيها زينب حشمت عبـــــــــــــــاس كافلها ومحاميها شد جوده ومشى ويا حيـــف راح وما رجع ليها ومن خالــي رجع مهره راح حسين أله أيحضره شافـــــه وأنكسر ضهره آه يحسين آمصابه ......................................................... عالشاطي وكـــــع عباس ويلي مكطعه أجفوفه شافه وطاح يمه حسين والعسكر بـــــده أيطوفه لا يكدر يشيله حسين لا بيه يمشـــــــي وأيعوفه شاله ومن كل كتر طاح يا جرح المضى أيروفه ويلي أمن السحك جسمه طابــــــع عالرمل رسمه بدمعه غسلــــــــه وشمه آه يحسين وأمصابه ..................................................... رد محني الضهر لحسين يمشي ويعثر بجدمه ركضت زينب أتشوفه ومــن شافت دمه بهدمه طاحت عالرمل وحسيـــــن كلها عالنهر جسمه عفته موذر العباس زينب سابــــــــــــــح أبدمه عفته أمكطعه أزنوده وطايح عالنهر جوده راح وبعد شيعــــوده آه يحسين وأمصابه ........................................................ لا خـــــــــــــــوان لا أنصار لا ويلاد لحسينج كلهــــــــــــــــا أتذبحت زينب لميهن نيساوينج بس الليل آنـــــــــــــــــه وياج وهذا البيني وبينج باجــــــــــــــر ينذبح لحسين زينب والله ليعينج وي ضهريــــة العاشر أتحضري للسبي باجر نار وعسكر وحــــافر آه يحسين وأمصابه ........................................................ خلصت وأنذبح لحسين ويلي وخلصت أنفاسه وما ضل خيــــل بالميدان ألا وعالصدر داسه زينب تتجه لا وين شمر الخنـــــــى وحراسه جابوها أعله جســم حسين كاعد يكطع براسه حز من الكفى نحره وكام أبسيفه أيطبره زينب تنحب وتقره آه يحسين وأمصابه ...................................................... خادم خدمة الحسين الشاعر محمد الموالي

الشاعر محمد الموالي

Open In TikTok:

Region: IQ

Friday 29 May 2026 19:42:09 GMT