@walaa.kitchen28: ارمان باللبن المكونات: كيلو ونص لبن ملعقتين صغار نشا رشة ملح ليمون لحم حسب الرغبة سمنة او دهنة لقلي اللحمة ملح الطريقة: أول شي بقلي اللحمة منيح بالسمن لحتى تتحمر وتاخد لون وطعم وبعدين بضيف عليها مي سخنة وبشيل الزفرة كلها وبتركها تستوي بجهز اللبن: بحط اللبن مع النشا وبضيف رشة ملح ليمون وبحرك منيح بضل حرك اللبن على النار بشكل مستمر لحتى يبدأ يغلي أول ما يغلي بضيف اللحمة المسلوقة مع شوية من المرق اللحمة لى اللبن وبخليهم يغلوا مع بعض شوي لحتى يتجانس الطعم بنقدم معو فريكة ورز :💡توضيح دايما بتسألوني ليش حطيت ملح ليمون انا بضيف ملح الليمون للبن لاني اللبن هون بألمانيا مو حامض متل بلدنا فملح الليمون بيعدل الطعم وبيعطي شوية حموضة نحن متعودين بسوريا يكون اللبن حامض وعلى حاله بدون أي تعديل بس هون ما فيه أي حموضة أبداً فصراحة ما منقدر ناكله إذا ما نعمل هالخطوة أنا بضيف له ملح ليمون ومعه مرقة اللحم والدهنة لحتى نقدر نأكله ويعطي طعم قريب من اللي متعودين عليه ببلدنا طبعاً ما رح يكون نفس طعم لبن سوريا بس هي الطريقة بتخليه قريب ومقبول للأكل #اكل #حلبي #طبخ #وصفات #سهلة