မိုးလင်းကနေ မိုးချုပ် နားချိန်မရှိ အလုပ်တွေကြိုးစားလုပ်နေပါရက်နဲ့... ဘာလို့ အခုထိ ကိုယ်လိုချင်တဲ့ ဘဝကို မရောက်သေးတာလဲ? အရင်ခေတ်ကတော့ အိမ်တစ်အိမ်မှာ အိမ်ထောင်ဦးစီး တစ်ယောက် အလုပ်လုပ်ရုံနဲ့ တစ်မိသားစုလုံး အေးဆေးစားလောက်ပါတယ်။ ဒါပေမယ့် အခုခေတ်မှာတော့ တစ်ယောက်တည်း ရှာနေရုံနဲ့ ဘယ်လိုမှ မလောက်ငှတော့ပါဘူး။ လူတိုင်းလိုလို ငွေရှာနေကြပေမယ့် တကယ်တမ်း ချမ်းသာသွားတဲ့သူက လက်ချိုးရေလို့ရပါတယ်။ ဘာလို့လဲ? အဖြေက ရှင်းရှင်းလေးပါ... "ငွေဘယ်လောက်ရှာနိုင်လဲ ဆိုတာထက် ငွေကို ဘယ်လိုပုံစံနဲ့ ရှာနေလဲ" ဆိုတာက ပိုအရေးကြီးနေလို့ပါ။ အမေရိကန် သန်းကြွယ်သူဌေးကြီး Robert Kiyosaki က လူတွေရဲ့ ငွေရှာတဲ့ ပုံစံကို "ESBI (Cashflow Quadrant)" ဆိုပြီး ရိုးရိုးရှင်းရှင်းလေး ခွဲခြားပြထားပါတယ်။ 💼 E - Employee (လခစား ဝန်ထမ်း) ကိုယ့်ရဲ့ 'အချိန်' နဲ့ 'လုပ်အား' ကိုရင်းပြီး ဝင်ငွေနဲ့ ပြန်လဲလှယ်နေရတဲ့ အုပ်စုပါ။ ဥပမာ တစ်လကို လစာ ၅ သိန်း၊ ၁၀ သိန်းရတဲ့ ကုမ္ပဏီဝန်ထမ်း တစ်ယောက်ဆိုပါစို့။ မနက်တိုင်း YBS တိုးစီးရတယ်၊ ဒါမှမဟုတ် ကားပိတ်တဲ့ကြားက ကားမောင်းပြီး ရုံးသွားရတယ်။ ရုံးမှာ အလုပ်တွေ ဖိလုပ်ရတယ်။ လကုန်ရင်တော့ ကိုယ်လုပ်ထားတဲ့ လုပ်အားခ ပုံမှန်ဝင်ပါတယ်။ ဒါပေမယ့် ခင်ဗျားက အိမ်တစ်လုံး၊ ကားတစ်စီး ဝယ်ဖို့ ရည်မှန်းထားတယ် ဆိုပါစို့။ တစ်လကို ၂ သိန်းပဲ စုနိုင်မယ်ဆိုရင်တောင် ၁၀ နှစ်နေမှ သိန်း ၂၄၀ ပဲ ရမှာပါ။ အခုခေတ် ပေါက်ဈေးနဲ့ဆို ရန်ကုန်မှာ နေရာသင့်တင့်တဲ့ အိမ်တစ်လုံးဝယ်ဖို့တောင် တော်တော်လေး ရုန်းကန်ရမှာပါ။ ဒါ့အပြင် ကိုယ် ဖျားနာလို့ပဲဖြစ်ဖြစ်၊ အလုပ်ကနေ ထွက်လိုက်ရလို့ပဲဖြစ်ဖြစ် အလုပ်မလုပ်နိုင်တော့တဲ့ တစ်နေ့ ဝင်ငွေပါ တန်းပြီး ရပ်သွားမယ့် အန္တရာယ် ရှိပါတယ်။ 🏪 S - Small Business Owner(ကိုယ်ပိုင်လုပ်ငန်းရှင်ငယ်) ကိုယ့်အားကိုယ်ကိုးပြီး တနိုင်တပိုင် စီးပွားရှာတဲ့သူတွေပါ။ အွန်လိုင်းကနေ Live လွှင့်ပြီး အင်္ကျီရောင်းတဲ့သူတွေ၊ ရပ်ကွက်ထဲမှာ ကော်ဖီဆိုင်လေး၊ စားသောက်ဆိုင်လေး ဖွင့်ထားတဲ့သူတွေ၊ အပြင်မှာ ကိုယ်တိုင် Graphic Design လိုက်ဆွဲပေးနေတဲ့သူတွေ၊ Content ရေးပေးနေတဲ့ Freelancer တွေ၊ အတိုင်ပင်ခံ လုပ်ပေးနေတဲ့ သူတွေ အကုန် ဒီအုပ်စုထဲမှာ ပါပါတယ်။ လခစားထက်စာရင် ဝင်ငွေက ခင်ဗျားရှာနိုင်သလောက် ပိုရပါတယ်။ ဒါပေမယ့် ဆိုင်ပိတ်လိုက်တာနဲ့၊ ကိုယ်တိုင် အလုပ်မလုပ်နိုင်တော့တာနဲ့ ဝင်ငွေက ရပ်သွားရော။ အရာရာကို ခင်ဗျားကိုယ်တိုင်ချည်းပဲ လိုက်လုပ်နေရလို့ ကိုယ်ပိုင်အချိန်ဆိုတာ လုံးဝ မရှိတော့ပါဘူး။ အလုပ်အရမ်းဖိလုပ်ရလွန်းလို့ စိတ်ဖိစီးမှုတွေ များလာပြီး ကျန်းမာရေး ထိခိုက်လာတတ်ပါတယ်။ 🏢 B - Business Owner (စီးပွားရေးလုပ်ငန်းရှင်ကြီးများ) သူတို့ကတော့ စနစ် (System) တစ်ခုကို တည်ဆောက်ပြီး ငွေရှာတဲ့ သူဌေးကြီးတွေပါ။ City Mart ကို ပိုင်တဲ့ ဒေါ်ဝင်းဝင်းတင့်၊ ကမ္ဘောဇဘဏ်ပိုင်ရှင် ဦးအောင်ကိုဝင်း တို့လိုပေါ့။ သူတို့ကိုယ်တိုင် ကောင်တာမှာ နေ့တိုင်း ထိုင်ပြီး ပိုက်ဆံရှင်းနေတာ၊ စာရင်းလာလုပ်နေတာ ခင်ဗျား မြင်ဖူးလား? မမြင်ဖူးပါဘူး။ သူတို့က ကိုယ်တိုင် မပါဝင်ရင်တောင် အလိုအလျောက် လည်ပတ်နေမယ့် Automation စနစ်တွေ၊ သေချာ ဖွဲ့စည်းထားတဲ့ မန်နေဂျာ အဖွဲ့အစည်းတွေကို တည်ဆောက်ထားတာပါ။ လူတော်တွေကို ငှားတယ်၊ စနစ်တကျ အလုပ်လုပ်ခိုင်းတယ်။ အဲ့ဒီ စနစ်ကြီးကနေ သူတို့အတွက် ဝင်ငွေတွေ အဆက်မပြတ် ရှာပေးနေတာ ဖြစ်ပါတယ်။ 📈 I - Investor (ရင်းနှီးမြှုပ်နှံသူ) ဒါကတော့ အမြင့်ဆုံး Level ပါ။ ငွေကို အလုပ်ပြန်ခိုင်းတဲ့ အုပ်စု ဖြစ်ပါတယ်။ ရန်ကုန်၊ မန္တလေးက နေရာကောင်းတဲ့ အိမ်ခြံမြေတွေ ဝယ်ထားပြီး ဈေးတက်မှ ပြန်ရောင်းတာမျိုး၊ ပိုက်ဆံကို ဘဏ်မှာဖြစ်ဖြစ်၊ ယုံကြည်ရတဲ့ ငွေစုငွေချေး လုပ်ငန်းတွေမှာဖြစ်ဖြစ် ထည့်ထားပြီး အတိုးစားတာမျိုး၊ ဒါမှမဟုတ် တခြား အလားအလာရှိတဲ့ လုပ်ငန်းတွေ၊ ကုမ္ပဏီတွေမှာ ရှယ်ယာ (Share) ဝင်ထည့်ထားတာ မျိုးတွေပါ။ ခင်ဗျားက ဘာမှ လုပ်စရာ မလိုဘဲ ခင်ဗျားရဲ့ ငွေတွေက သူတို့ဟာသူတို့ အလုပ်လုပ်ပြီး ပွားနေတာပါ။ ဒါပေမယ့် လောဘနောက်လိုက်ပြီး မသေချာတဲ့ နေရာတွေမှာ သွားရင်းမိရင်တော့ ခင်ဗျားရဲ့ အရင်းအနှီးတွေ ဆုံးရှုံးနိုင်တဲ့ အန္တရာယ် ရှိပါတယ်။ သေချာ လေ့လာတွက်ချက်မှုတော့ အရမ်းလိုပါတယ်။ 💡 အနှစ်ချုပ်ရရင်... အခု လက်ရှိ E နဲ့ S အဆင့်မှာ ရှိနေတယ်ဆိုရင်တောင် စိတ်ဓာတ်မကျပါနဲ့။ ရလာတဲ့ ဝင်ငွေကို စနစ်တကျ စီမံခန့်ခွဲပြီး လုပ်ငန်းတွေကို System ချကာ B နဲ့ I အဆင့်ကို ဘယ်လို ကူးပြောင်းမလဲ ဆိုတာကို အခုကတည်းက စတင် ပြင်ဆင်ပါ။ 👇 ကဲ... အခု လက်ရှိမှာ ခင်ဗျားက E, S, B, I ဘယ်အုပ်စုထဲမှာ ပါနေလဲ? ရှေ့ဆက်ရမယ့် ရည်မှန်းချက်တွေကို အောက်က Comment မှာ အတူတူ ဝင်ရောက် ဆွေးနွေးသွားကြရအောင် #အ_လီ_ဘာ_ဘာ #everyone #myohlaingwin #Crd #knowledge - @myohlaingwin719