@rajutirwa5: मेरो कथा र निर्देशनमा @SUSWA परियोजनाद्वारा निर्मित महिनावारीसम्बन्धी सचेतनामूलक लघु चलचित्र "अदृश्य आँसु" मा प्रिय बैनी सिर्जना बडुवालले निर्वाह गरेको भूमिका यस्तै एउटा सशक्त आवाज बन्यो। उहाँले पर्दामा देखाएको पीडा, संघर्ष, साहस र संवेदनाले केवल दर्शकको मन छोएन, समाजले वर्षौँदेखि सामान्य ठानेर बेवास्ता गरेका महिनावारीसँग जोडिएका विभेद र कुरीतिमाथि प्रश्न उठायो। चलचित्रमा बगेका ती आँसु केवल पात्रका आँसु थिएनन्, ती हजारौँ छोरी, दिदीबहिनी र आमाहरूले भोगेका अदृश्य पीडाका प्रतिबिम्ब थिए। ती पीडालाई जीवन्त बनाउँदै मर्यादित महिनावारी व्यवस्थापनको सन्देशलाई जनमानससम्म पुर्‍याउन बैनी सृजनाले खेलेको भूमिका साँच्चिकै अविस्मरणीय र प्रशंसनीय छ। यही योगदानको सम्मानस्वरूप राष्ट्रिय महिनावारी सञ्जाल ले महिनावारी स्वच्छता दिवस २८ मई २०२६ को अवसरमा बैनी सृजना बडुवाल लाई सम्मान (Award) गरेकोमा मेरो हृदय गर्व, खुसी र आत्मीयताले भरिएको छ। यो सम्मान केवल एउटा व्यक्तिको उपलब्धि होइन; यो ती सबै आवाजहरूको सम्मान हो, जसले समाज परिवर्तनका लागि बोल्न, लेख्न, अभिनय गर्न र संघर्ष गर्न कहिल्यै हिम्मत हारेनन्। भरखरै रिलिज भएको "टुटेको साङ्लो" लघु चलचित्रमा समेत वहाँले प्रस्तुत गरेको जीवन्त अभिनयले सकारात्मक सामाजिक परिवर्तनप्रतिको उहाँको प्रतिबद्धतालाई थप उजागर गरेको छ। उहाँले निभाएका पात्रहरूले केवल कथा भनेनन्, बरु समाजमा जरा गाडेर बसेका हानिकारक अभ्यास, विभेद र अन्धविश्वासका साङ्लाहरू तोड्ने साहसको सन्देश दिएका छन्। यसले कलाकारको रूपमा मात्र होइन, परिवर्तनको संवाहकको रूपमा समेत उहाँको भूमिकालाई झनै उजागर गरेको छ। प्रिय बैनी, तपाईंले पर्दामा निभाएका पात्रहरू समाप्त होलान्, तर तपाईंले छोड्नुभएको सन्देश, चेतना र प्रेरणा अझै हजारौँ मनमा जीवित रहनेछन्। तपाईंको यो सम्मान पूर्ण रूपमा योग्य, प्रेरणादायी र गर्व गर्न लायक उपलब्धि हो। हार्दिक बधाई तथा आगामी दिनहरूमा पनि तपाईंको प्रतिभा, समर्पण र सामाजिक उत्तरदायित्वले अझ धेरै जीवनमा आशा, साहस र परिवर्तनको उज्यालो फैलाओस् भन्ने शुभकामना व्यक्त गर्दछु। ❤️🙏🌸 गर्व छ, तपाईं हाम्रो अभियानको एउटा सशक्त आवाज हुनुहुन्छ। ✨️ #foryou #foryoupage #sreejanabs #rajutirwa5 @sreejanabaduwal @SUSWA

Raju Tirwa

Open In TikTok:

Region: NP

Saturday 30 May 2026 01:28:31 GMT