ብድር የሃብት ምስጢር መሆኑን ታውቃለህ ብድር የሃብት ምስጢር ከሆነ ለምን ድሮ ስንማር ትምህርት ቤት ውስጥ አላስተማሩንም? መልሱ ያስደነግጣል፡፡ ምክንያቱም ብድር/ዕዳ በትክክል እንዴት እንደሚሰራ በተረዳችሁ ቅጽበት፣ ከፍተኛ ግብር ከፋይ መሆናችሁ ያበቃል።መቀጠርን እምቢ ትላላችሁ፡፡እናንተ አልቀጠርም ካላችሁ ባለሃብቶች እና ድርጅቶች ማንን ቀጥረው ያሰሩ?ትምህርት ቤቶች የሚያዘጋጁህ እንዴት ተቀጥረህ እንደምትሰራ ፤እድሜ ልክህን እንዴት ለገንዘብ እንደምትሰራ እንጅ እንዴት እንደምትነግድ ወይም ገንዘብ ራሱ ለአንተ እንዴት እንደሚሰራ አይደለም፡፡ አብዛኛው ሰው ብድርን/ዕዳን እንዲፈራ ነው የሰለጠነው።ሀብታሞች ግን እንዲጠቀሙበት ነው የሰለጠኑት። ለምን እንደሆነ ላስረዳህ። ገንዘብ ስትበደር፣ አንድ ሳንቲም እንኳን ታክስ አትከፍልም ለምን? ምክንያቱም መንግሥት የተበደርከውን ገንዘብ እንደ "ገቢ" አይቆጥረውም።ታክስ አይጣልበትም። ቅጣትም የለበትም። ትምህርት ቤት ውስጥ ፈጽሞ የማንማረው ነገር ይሄ ነው ፡፡ ብድር/ዕዳ ማለት በትክክለኛው ትርጉሙ ገንዘብ እንዴት እንደሚፈጠር የሚያሳይ ቁልፍ ነው። ባንክ በየጊዜው ገንዘብ በሚያበድርበት ጊዜ፣ አዲስ ገንዘብ ወደ ሥርዓቱ ይገባል። ለዚህ ነው ባንኮች ተበዳሪዎችን በጣም የሚወዱት። ዕዳ /ብድር ሥርዓቱ እንዲያድግ ይረዳል።አሁን የሚገርመው ክፍል እዚህ ላይ ነው... ገንዘብ ስትበደር፣ ለጥሬ ገንዘብ ፍሰት (Cash Flow) መገንቢያ ትጠቀምበታለህ፡፡ እንዴት እንደሆነ ላሳይህ ፡፡ከታክስ ነጻ የሆነ ብዙ ገንዘብ ተበደር እና በገንዘቡ ወርሃዊ ገቢ ሚያስገኝ ንብረት ግዛበት፡፡ ከዚያ ንብረቱ በየወሩ ጥሬ ገንዘብ እንዲያመጣ አድርግ፡፡ዕዳውን ለመክፈል በየወሩ የምታገኘውን ጥሬ ገንዘብ ተጠቀም፡፡ አየህ ያልተቋረጠ ወርሃዊ ገቢ የሚያመጣልህ አንድ መሳሪያ አገኘህ ማለት ነው፡፡ ገንዘብ ለአንተ ይሰራል ማለት ይህ ነው፡፡በቃ የገዛኸው ንብረት እራሱ ለገንዘብ ይሰራልሃል እንጅ አንተ ለገንዘብ አትሰራም፡፡ ከአንተ የሚጠበቀው ትክክለኛ ብድር መውሰድ ነው፡፡ እውነተኛ እሴት ለመፍጠር ባለሀብቶች ዕዳ /ብድር በብዛት ይጠቀማሉ፡፡ በአንጻሩ ደግሞ የፋይናንስ እውቀት የሌላቸው ሰዎች እዳን/ብድርን የሚጠቀሙት የበለጠ ደሃ ለመሆን ነው፡፡ አብዛኛው የፋይናንስ እውቀት የሌለው ሰው ዕዳን የሚጠቀመው መኪና ለመግዛት፤ለመዝናኛ፡ለሰርግ፤ለሌሎች ድግሶች ፤ለፍጆታ ዕቃዎች፤አቅም የማይፈቅድላቸውን እና ምንም ገቢ የማያስገኙ ትልልቅ ቤቶችን ለመግዛት በአጠቃላይ ገቢ ከማስገኘት ይልቅ ገንዘብ ከኪስ የሚያስወጡ ነገሮችን ለመግዛት ይጠቀሙበታል፡፡ ለምሳሌ እኔ የማውቃቸው ብዙ ሰዎች ተበድረው ሰርግ የደገሱ አሉ፡፡ እነዚህ ሰዎች እድሜ ልካቸውን ብድር ሲከፍሉ ከመኖር ውጭ ምንም አማራጭ የላቸውም፡፡ይህ የፋይናንስ ትምህርት እጥረት ችግር ነው። ታዲያ ትምህርት ቤቶች ለምን ይህን አያስተምሩም? በጣም ቀላል ነው፡፡ትምህርት ቤቶች የተነደፉት ሠራተኞችን ለመፍጠር እንጂ ባለሀብቶችን ለመፍጠር አይደለም። ሠራተኞች ለገንዘብ ይሠራሉ።ባለሀብቶች ገንዘብ ለእነሱ እንዲሠራ ያደርጋሉ። ሠራተኞች ከፍተኛውን ታክስ ይከፍላሉ።ባለሀብቶች ዝቅተኛውን ይከፍላሉ። ትምህርት ቤቶች ዕዳ/ብድር እንዴት እንደሚሠራ አስተምረው ቢሆን ኖሮ ሰው ብድርን/ዕዳን አይፈራም ነበር። በደሞዝ ላይ ጥገኛ አይሆንም ነበር። የውሸት ገንዘብ አያጠራቅምም ነበር። ለመንግሥት ብቻ በሚመች ስሥርዓት ውስጥ አይቆይም ነበር። ድሆች ይበደራሉ፤ ይበልጥ ይደኸያሉ።ሀብታሞች ይበደራሉ ፤ ይበልጥ ይበለጽጋሉ። ችግሩ ዕዳው አይደለም።ችግሩ በዕዳው የምትገዙት ነገር ነው። ስለዚህ የፋይናንስ ነፃነት ከፈለጉ ከዚህ በኋላ "ብድር ጥሩ ነው ወይስ መጥፎ?" ብለው መጠየቅ ያቁሙ። ይልቁንስ ይህን ይጠይቁ፦"ይህ ዕዳ ወደ ኪሴ ገንዘብ ይጨምራል ወይስ ከኪሴ ያወጣል?" ይህ አንድ ጥያቄ ድሆችን ከሀብታሞች ይለያል።ትምህርት ቤቶች ይህን ፈጽሞ የማያስተምሩት ለዚህ ነው። አንድ ነገር አስታውስ ይህ ሁሉ በዙሪያህ ያለው ባለሃብት ሃብታም የሆነው በራሱ ገንዘብ እንዳይመስልህ፡፡በብድር ነው፡፡ነገር ግን ብድሩን ከወሰደ በኋላ የተበደረውን እጥፍ በአጭር ጊዜ የሚያመጣለት ቢዝነስ ላይ ኢንቨስት ያደርገዋል፡፡ ስለዚህ ምትበደር ከሆነ በጭራሽ ለወጭ መሸፈኛ ብለህ እንዳትበደር፡፡ለቢዝነስ እና ለኢንቨስትመንት እንጅ በል ፎሎው አድርግ - @hahu.digitals