@user6022008872828: الرسالة دي ليك.. 💪❤️ عايز أقول ليك كلام ممكن يطمن قلبك ويريح بالك؛ أحب أقول ليك إن ربنا سبحانه وتعالى، والله، ما ناسي وقفاتك السمحة مع الناس والظروف ضاغطة عليك، في حين إنه أنت المحتاج السند وأنت المحتاج القوة. ولا ناسي ضحكتك اللّي أنت بترسمها في وشوش غيرك، وأنت من جوة حزين ومنطفي. ولا ناسي صبرك على المحن والمشاكل الحاصلة ليك، مع إنه الشيلة بقت تقيلة عليك والله، بس خليك واثق تماماً؛ ربنا سبحانه وتعالى ما ناسي سعيك، ولا ناسي تعبك، ولا همك، ولا ناسي معافرتك ومجاهدتك في الدنيا دي، وعارف تماماً كل أمنية مدسوسة في قلبك. وأكيد خليك واثق إنه حيعوضك عوض ينسيك كل التعب الفات، وربنا حيجبر خاطرك جبر يتعجب منه أهل الأرض والسماء، عشان كده اطمن وخليها على الله. ومهما حسيت إنك فقدت ناس قراب منك ما تحزن وما تضيق؛ لأن دي كلها ترتيبات ربنا سبحانه وتعالى، وهو الأدرى بالنفوس، وعارف تماماً شنو الحاجة البتنفعنا. ودائماً ترتيب ربنا سبحانه وتعالى بيكون هو الأصح لقلوبنا في النهاية، ورب الخير ما بجيب إلا الخير والله. وربنا إن شاء الله يجبر بخواطركم جميعاً ويجعل أيامكم القادمة كلها سلام، وعوض، وجبر وخير لا ينتهي. 🕊️

Samah Mastour

Open In TikTok:

Region: SD

Saturday 30 May 2026 08:55:48 GMT