@noor3_33: لعيونكم هالمره وصفه صحيه🫶🏻 لذيذه جربوها 🌟 - المقادير : كرات اللحم: * لحم مفروم قليل الدهن * ثوم مفروم * كزبرة مفرومة * بقدونس مفروم * بصل مفروم ومصفى من مويته * ملح * فلفل أسود * بابريكا * كمون * بهارات مشكلة البطاطس: * بطاطس صغيرة * موية البصل * ثوم مفروم * ملح * فلفل أسود * بابريكا * زعتر بري * زبدة * بخاخ زبدة أو زيت البيبي كورن: * بيبي كورن * رشة زبدة * فلفل أسود * بابريكا * جبن بارميزان الصوص: * فطر مقطع * ثوم مفروم * رشة زيت * ورشستر صوص (اختياري) * خردل * كريمة جوز الهند( اختياري) * حليب * نشا * بهار مرقة دجاج * بابريكا * زعتر الطريقة: أول شي نخلط اللحم المفروم مع الثوم والكزبرة والبقدونس والبصل والملح والفلفل الأسود والبابريكا والكمون والبهارات المشكلة، بعدين نكور اللحم كرات صغيرة ونخليها على جنب. نجيب البطاطس ونحطها بين عودين ونشرحها من فوق. نخلط موية البصل مع الثوم والملح والفلفل الأسود والبابريكا والزعتر البري ورشتين زبدة، وبعدها ندهن البطاطس زين حتى بين كل شريحة وشريحة. نرشها ببخاخ الزبدة أو الزيت وندخلها القلاية الهوائية على حرارة 180 لمدة 45 إلى 60 دقيقة، وفي نص الوقت نرجع نرشها بشوية من الزبدة أو الزيت لين تصير ذهبية ومقرمشة. إذا باقي على البطاطس 20 دقيقة، نتبل البيبي كورن برشة زبدة وفلفل أسود وبابريكا. في صينية عليها ورق زبدة نرش طبقة خفيفة من البارميزان ونصف البيبي كورن فوقها، وندخلها مع البطاطس لين تستوي وتتحمر. في مقلاة على النار نحط رشة زيت ونحمر كرات اللحم لين تستوي، بعدها نشيلها على جنب. بنفس المقلاة نحط رشة زيت والثوم والفطر ونشوحهم لين ياخذ الفطر لون حلو. نضيف الورشستر صوص والخردل، بعدها نضيف كريمة جوز الهند والحليب المذاب فيه النشا ( تقدرون تكتفون بالحليب ) . نتبل ببهار مرقة الدجاج والبابريكا والزعتر ونخلي الصوص يثقل شوي. نرجع كرات اللحم للصوص ونغطي عليها ونخليها تتسبك على نار هادية. للأسبارجوس، نشوحه مع الثوم وقليل من الموية لين يطرى. للتقديم نحط البطاطس المشرحة، وفوقها كرات اللحم مع الصوص، ونرتب البيبي كورن والأسبارجوس على الجنب، ونرش شوية بارميزان وبقدونس مفروم. وعليك بالف عافيه 💗

noor <3

Open In TikTok:

Region: SA

Saturday 30 May 2026 13:10:10 GMT