كلكم دغش، وكل واحد بيكم لابس ألف وجه حتى يخفي حقيقته..من تحتاجون مصلحة تصيرون أوفى الناس، ومن تخلص مصلحتكم تنسون كل شي صار.تعرفون شلون تحجون حلو، وشلون تدخلون للقلب بسرعة، بس وقت الشدة ما يبقى غير الصمت والخذلان.مو لأن الدنيا قاسية، لا.. لأن البشر صاروا يمثلون أكثر مما يعيشون بصدق.صرنا نخاف نحچي اللي بداخلنا حتى لا يصير نقطة ضعف بيد غيرنا، وصرنا نبتسم بوجه ناس نعرفهم ما يستاهلون حتى السلام.تعلمت إن مو كل قريب سند، ومو كل ضحكة نابعة من قلب صافي، أكو ناس تضحك وياك وبداخلها ألف غيرة وألف نية مو زينة.وأكو ناس إذا وقعت، أول ناس تتفرج عليك بدل ما ترفعك.الدنيا علمتني أحتفظ بأسراري لنفسي، لأن أكثر الطعنات تجي من ناس وثگنا بيهم زيادة.مو كل من كال “أخوك” يصير أخ، ومو كل من حضنك يحبك، مرات الحضن يخفي غدر أكبر من الكلام.بس رغم هذا كله، بعدني أحاول أبقى إنسان حقيقي بهالوقت المزيف، لأن النقاء مو ضعف، والصدق مو غباء.يمكن الناس تغيّرت، ويمكن الوفة صار نادر، بس يبقى الإنسان الأصيل ينعرف حتى لو عاش بين ألف وجه مزيف - @2g__u0