@eskdarmeki: ​✍️ ​እስቲ ዛሬ ደግሞ ስለ ፊት እንክብካቤ (Skincare) እናውራ! ስለ ፀጉር እንክብካቤ በሰራሁት ቪዲዮ ላይ ብዙዎቻችሁ ጠይቃችሁኛል። የተመቻችሁ ተጠቀሙበት፣ ያልተመቻችሁ ደግሞ ዝም ብላችሁ ማለፍ ትችላላችሁ! 🙇‍♀️ ​ፊታችን በጣም ስስ (Sensitive) ስለሆነ ከፍተኛ ጥንቃቄ ይፈልጋል። አንደኛውና ዋናው ነገር ፊታችንን ከፀሀይ መከላከል ነው። ጥላ ወይም ሰን እስክሪን (Sunscreen) መጠቀም እንደ ግዴታ መታየት አለበት። ​ወደ እንክብካቤው ስንገባ የሚያስፈልጉን መሰረታዊ ግብዓቶች፡ ​የፊት ማጽጃ (Cleanser) ​ቪታሚን ሲ (Vitamin C Serum/Cream) ​የፊት እርጥበት ሰጪ ክሬም (Moisturizer) ​ሰን እስክሪን (Sunscreen) ​የአጠቃቀም ቅደም-ተከተል፡ ጠዋት ፊታችንን በደንብ ከታጠብን በኋላ፣ መጀመሪያ ቪታሚን ሲ እንቀባለን (የፀሀይ መከላከያውን አቅም ስለሚያጠነክርልን)። በመቀጠል የፊት ክሬማችንን ተቀብተን፣ በመጨረሻው ደረጃ ላይ ሰን እስክሪን እንቀባለን። ​እቤት ውስጥ ብንሆን እንኳ ሰን እስክሪን መቀባት አለብን! በተለይ ማዳያት (የፊት ጥቁረት) ያለብን ሰዎች በየ 2 ሰዓቱ ሰን እስክሪኑን ደግመን መቀባት ይኖርብናል። ስንደግም ደግሞ ፊታችንን በንጹህ ውሃ ታጥበን ወይም በርጥብ ጥጥ (ወይም በዌት ቲሹ) ቀስ አድርገን ጠርገን መሆን አለበት። ​ብቻዬን ለመግዛት አቅሙ የለኝም ካላችሁ ደግሞ... ከጎረቤት፣ ከጓደኛ ወይም ከእህታችሁ ጋር አጋጭታችሁ (ተጋርታችሁ) ለሁለት ገዝታችሁ መጠቀም ትችላላችሁ፤ ለራስ ውበት ኢንቨስት ማድረግ አይቆጭም! ​ሌላውና ወሳኙ ነገር ውሃ በደንብ መጠጣት ነው! በተለይ ጠዋት በባዶ ሆድ ለብ ያለ ውሃ መጠጣት፣ እንዲሁም ውሏችን ላይ ውሃ ማዘውተር ለፊት ጥራት አስገራሚ ለውጥ አለው። ​ለፊታችን የምንጠቀመውን ሳሙና ከቆዳችን አይነት (Skin Type) ጋር መሄዱን ማረጋገጥ አለብን። ለምሳሌ የዶቭ (Dove) እና የጆንሰን (Johnson's) ሳሙናዎች ለደረቅም ለወዛም ቆዳ ስለሚሆኑ መጠቀም ትችላላችሁ። ​ከምንም በላይ ግቢ ውስጥ ስትሆኑ እንኳ ፊታችሁን ፀሀይ እንዳይነካው ተጠንቀቁ። የብዙ ሰው እድሜና የፊት ገጽታ የማይመጣጠነው በፀሀይ ጉዳት (የቆዳ ማርጀት) ምክንያት ነው። ​ከተመቻችሁ ሞክሩት! እኔ የምጠቀማቸውን ምርቶች ከታች አስቀምጥላችኋለሁ። መልካም የእንክብካቤ ጊዜ! 😍 #mostraessebracinho #sunscreen #vitaminc #ethiopian_tik_tok🇪🇹🇪🇹🇪🇹🇪🇹

መቅደላዊት ማርያም (ዩሐ8*7)👰

Open In TikTok:

Region: SA

Sunday 31 May 2026 01:06:57 GMT