@ryan_2006_sarshay: "မဖောက်ပြန်ရင် ပြီးရောမလား" တဲ့ သူမက ခပ်အေးအေးပဲပြောခဲ့တယ်...အဲဒီစကားကို ကြားလိုက်ရတဲ့အချိန်မှာ ကျွန်တော့်ရင်ထဲ ဟာခနဲ ဖြစ်သွားခဲ့ရတယ်။ တကယ်တော့ အချစ်တစ်ခုမှာ "မဖောက်ပြန်ခြင်း" ဆိုတာ အခြေခံအကျဆုံး စည်းမျဉ်းတစ်ခု သက်သက် ပါ။ အောင်မှတ်ရရုံနဲ့ ထူးချွန်တဲ့ ကျောင်းသား တစ်ယောက် မဖြစ်နိုင်သလိုမျိုးပေါ့။ အဲ့လိုပဲ သစ္စာရှိနေရုံနဲ့တင် အချစ်တစ်ခုက ပြီးပြည့်စုံ သွားပြီလား? သစ္စာရှိပေမယ့် အေးစက်နေရင် ရော? တခြားသူတစ်ယောက်ကို ရင်ခွင်ထဲ မသွင်းထားတာမှန်ပေမယ့်၊ ကျွန်တော့်ကိုလည်း ဂရုမစိုက်တော့ဘဲ ဥပေက္ခာပြုထားရင် အဲ့ဒါ က ဖောက်ပြန်တာနဲ့ ဘာကွာမှာလဲ။ သေဆုံးနေ တဲ့ သစ်ပင်တစ်ပင်ကို ရေလောင်းနေရသလိုပဲ။ ကိုယ်ချင်းစာတရား ကင်းမဲ့နေရင်ရော? "ငါ တ ခြားသူနဲ့ မရှုပ်ဘူးလေ" ဆိုတဲ့ ဆင်ခြေတစ်ခု အောက်မှာ စိတ်ဒဏ်ရာတွေ ပေးချင်သလောက် ပေး၊ စကားလုံးတွေနဲ့ နှိပ်စက်ချင်သလောက် နှိပ်စက်နေမယ်ဆိုရင် အဲဒီ "သစ္စာ" ဆိုတာက ဘယ်လောက်တောင် အဓိပ္ပာယ်မဲ့သွားမလဲ။ နားလည်မှုနဲ့ နွေးထွေးမှု မရှိတော့ရင်ရော? အ ချစ်ဆိုတာ "မလုပ်ရမယ့်အရာတွေ" ကို ရှောင် ကြဉ်ရုံတင် မဟုတ်ပါဘူး။ "လုပ်ပေးသင့်တဲ့ အရာတွေ" ကိုလည်း ဖြည့်ဆည်းပေးဖို့လည်း လိုအပ်ပါတယ်။ နာကျင်နေချိန်မှာ ဘေးမှာရှိ ပေးဖို့၊ ပင်ပန်းနေချိန်မှာ အားပေးဖို့၊ အသေး အဖွဲလေးကအစ အမှတ်တရရှိပေးဖို့ ဒါတွေ အားလုံးက အချစ်ရဲ့အသက်သွေးကြောတွေ ပဲ။ "မဖောက်ပြန်ဘူး" ဆိုတာက အမှားမလုပ် တာပါ။ ဒါပေမဲ့ အချစ်ဆိုတာက အမှန်တွေ အများကြီး စုပေါင်း တည်ဆောက်ရတဲ့ အရာ ဖြစ်တယ်။ တကယ်တော့ ကျွန်တော် လိုချင် ခဲ့တာက မဖောက်ပြန်တဲ့ ခန္ဓာကိုယ်တစ်ခုတည်း မဟုတ်ပါဘူး။ ကျွန်တော့်ကို တန်ဖိုးထားတဲ့ စိတ်တစ်စုံနဲ့၊နွေးထွေးတဲ့ ဂရုစိုက်မှုတွေကိုပဲ လိုချင်ခဲ့တာပါ။ "မဖောက်ပြန်ရင်ပြီးရော"ဆို တဲ့ အတွေးနဲ့တင် ရောင့်ရဲနေမယ်ဆိုရင် ကျွန် တော်တို့ကြားက အချစ်က အချိန်တန်ရင် အလို လို အေးခဲသွားမယ့် ဝတ္တရားတစ်ခုပဲ ဖြစ်ကျန် ခဲ့ပါလိမ့်မယ်။ #စာတို #စာရှည် #feelings #feel #ryan

𝐑𝐲𝐚𝐧//စာရှည်☆

Open In TikTok:

Region: MM

Sunday 31 May 2026 03:59:44 GMT