@murshid9_sain: لیکن میں نے سیکھا ہے کہ گھر مٹی سے نہیں، بلکہ اس سکون سے بنتا ہے جو کسی کے نام کے ساتھ جڑا ہو۔ میرا فی الحال کوئی ٹھکانہ نہیں، میری جستجو کی کوئی منزل نہیں، مگر میرا ایک خواب ہے ایک ایسا گھر بنانا جس کی دیواریں میری محنت سے کھڑی ہوں اور جس کی جهت تمہاری دعاؤں سے سلامت رہے۔ میں وہ گھر مکمل کر کے مکمل طور پر تمہارے نام کر دوں گا، تاکہ اس کائنات میں تمہارا اپنا ایک آشیانہ ہو، اور پھر میں تمہاری اجازت سے، تمہارے سائے میں، تمہارے ہی گھر میں ایک مہمان بن کر رہوں گا۔ کیونکہ سچی محبت میں ملکیت کی تمنا نہیں ہوتی، بس کسی کے دل اور اس کی پناہ میں رہنے کا جواز چاہیے ہوتا ہے۔ میرا اس دنیا میں کوئی اپنا گھر نہیں، میں تو ایک مسافر ہوں جو برسوں سے رستوں کی دھول چھان رہا ہے۔ لیکن اب میں نے ارادہ کیا ہے کہ میں ایک گھر بناؤں گا محبت کی اینٹوں اور خلوص کے گارے سے۔ وہ گھر جو ہر طرحسے مکمل ہوگا، میں اسے خاموشی سے تمہارے نام کر دوں گا۔ لوگ اپنی جیت کی خوشیاں مناتے ہیں، میں تمہارے نام اپنی زندگی کی سب سے بڑی پونجی کر کے جیت جاؤں گا۔ پھر میں اس گھر میں تمہارا بن کر رہوں گا، تمہاری ملکیت بن کر رہوں گا۔ کیونکہ اپنا گھر ہونا بڑی بات نہیں، کسی کے گھر میں جگہ پا لینا اصل بخت ہے۔ میری ساری زندگی کا حاصل بس تمہارے نام کی وہ تختی ہوگی جو اس گھر کے دروازے پر لگی ہوگی۔ میں بے گھر سا ایک شخص ایک خواب بن رہا ہوں... ایک ایسا گھر جو صرف تمہارا ہوگا۔ میں اسے بناؤں گا سجاؤں گا اور پھر تمہاری دہلیز پر اس کی چابیاں رکھ دوں گا۔
