@khmerfairytale11: ក្ងោកពោធិសត្វ ភាគ ១ គាថាដែលសូត្រពេលព្រឹក ឧទេតយញ្ចក្ខុមា ឯករាជា ហរិស្សវណ្ណោ បឋវិប្បភាសោ តំ នមស្សាមិ ហរិស្សវណ្ណំ បឋវិប្បភាសំ តយជ្ជ គុត្តា វិហរេមុ ទិវសំ យេ ព្រាហ្មណា វេទគុ សព្វធម្មេ តេ មេ នមោ តេ ច មំ បាលយន្តុ នមត្ថុ ពុទ្ធានំ មនត្ថុ ពោធិយា នមោ វិមុត្តានំ នមោ វិមុត្តិយា ឥមំ សោ បរិត្តំ កត្វា មោរោ ចរតិ ឯសនា។ សេចក្ដីប្រែ៖ ព្រះអាទិត្យនេះ ជាដួងភ្នែក នៃលោក ជាឯករាជ មានពណ៌ ដូចជាពណ៌នៃមាស ញ៉ាំងប្រឹថពីឲ្យភ្លឺស្វាង ហើយរះឡើង។ ព្រោះហេតុនោះ ខ្ញុំសូមនមស្ការនូវ ព្រះអាទិត្យនោះ ដែលមានពណ៌ ដូចជាពណ៌នៃមាស ញ៉ាំងប្រឹថពីឲ្យភ្លឺស្វាង។ យើងទាំងឡាយ ដែលលោកគ្រប់គ្រងរក្សាហើយក្នុងថ្ងៃនេះ គប្បីនៅជាសុខអស់មួយថ្ងៃ។ -ព្រាហ្មណ៍ទាំងឡាយឯណា ដល់នូវវេទក្នុងធម៌ទាំងពួង ព្រាហ្មណ៍ទាំងឡាយនោះ ចូរទទួលនូវកិរិយា នមស្ការរបស់ខ្ញុំ ម្យ៉ាងទៀត ព្រាហ្មណ៍ទាំងឡាយនោះ ចូររក្សានូវខ្ញុំ។ សូមនមស្ការថ្វាយបង្គំចំពោះព្រះពុទ្ធជាម្ចាស់ទាំងឡាយ សូមនមស្ការថ្វាយបង្គំចំពោះពោធិញ្ញាណ (នៃព្រះពុទ្ធទាំងឡាយនោះ) ។ សូមនមស្ការថ្វាយបង្គំចំពោះ (ព្រះអរិយបុគ្គល ទាំងឡាយ) ដែលលោកផុតហើយចាករាគាទិក្កិលេស សូមនមស្ការថ្វាយបង្គំចំពោះវិមុត្តិធម៌ (នៃព្រះអរិយបុគ្គលទាំងឡាយនោះ) ។ ក្ងោកនោះ លុះតែបានធ្វើនូវព្រះបរិត្តនេះហើយ ទើបត្រាច់ទៅដើម្បីស្វែងរកអាហារ ។

តុក្កតាព្រេងនិទានខ្មែរ

Open In TikTok:

Region: KH

Sunday 31 May 2026 14:41:11 GMT