@dyu7wols4oh2: الغُربة".. هي غُربتك عن "نفسك" بيمر عليك الوقت وإنت قايل نفسك "تمام".. بتضحك مع الناس، وبتمشي ل شغلك، وبتقول "الحمد لله" في كل صباح. قايل إنك لسة إنت، نفس الزول الحنين، المليان أحلام، وبصمتو واضحة في كل مكان بتسأل نفسك: "الزول المكسور ده منو؟ والملامح المليانة حزن وقلق دي جات متين؟ وين ضاعت النسخة القديمة؟ وين "ضحكتك" الكانت بتطلع من الجوف وتملأ البيت؟ وين "عشمك" الكان بيسند جبال، ويقينك الكان ما بتهز؟ وين "نفسك" الكانت بتسامح بالساهل، وبتحب الحياة، وبتفتش للجمال في أبسط الأشياء؟ 🕊️✨ للأسف، اكتشفت إنو "الدنيا" ومطاحنها، والناس وخيباتها، والظروف القاسية والنزوح والوجع المكنكش فينا، مسحوا ملامحك الحقيقية. بقيت عايش بـ "الآلي"، بتجامل بـ وش ما حقك، وبتقول كلام ما بيشبهك، وبقيت "حذر" لدرجة الخوف، و"منطوي" لدرجة الغربة. الوجع الحقيقي.. إنك بقيت نسخة "محترقة" من كتر ما ضحيت، ومن كتر ما سكتت على الوجع عشان "المسيرة تمشي". بقيت زول "غريب" حتى على عيون أهلك وأصحابك. بتحاول تفتش لـ "نفسك القديمة" بين الأنقاض، بس بتلقى المسافة بقت بعيدة، والرجوع بقى مجهد ما تفقد الأمل. كونك "انتبهت" إنك اتغيرت، دي أول خطوة عشان ترجع. النسخة التانية أرجع لـ "ذاتك" بحنية، وصالح نفسك الزعلانة منك دي، وأعرف إنو مهما ضاعت ملامحك في الزحمة، لسة في "نور" جواك ما انطفى.. بس محتاج "طبطبة" ووقفة صدق مع الفؤاد 📌🙏 #الحمدلله_دائماً_وابداً #ماهل #david

david🤎ماهل بشير

Open In TikTok:

Region: LY

Sunday 31 May 2026 16:18:17 GMT