@naderkaram5: سيناريو وفاااة طفل خلال أقل من ٢٤ ساعة نتيجة إنه بلع سوداني قفلت مجري التنفس دا محزن جدا 😔😔 انا شخصت اطفال كتير حصلها اختناق أو بلع أجسام غريبة زي السوداني و ممكن كان بقالهم كتير بيتعالجوا علي أنهم نزلات شعبية و التهاب رئوي لفترة ممكن في بعض الأطفال وصلت ل شهر 🤷🤷 فاكر أول طفل شخصته كان يوسف قعد يلف علي دكاترة الحساسية و الاطفال و اتنفخ علاج اكتر من شهر و فالاخر طلع سوداني دخلت مجري التنفس ، ياسر نفس الموضوع قعد شهر انما مليكة ، فلوباتير كانوا تشخيصات سريعة بالسماعة و بالأشعة و كمان طفل كان بالع جنيه و واقف عند مجري التنفس و تم دخول المنظار في اقل من ٤ ساعات الفكرة هنا بقه 👇 نتحرك بسررررررررررررعة جدااااااااااا 👏 حسب مكان وقوف الجسم الغريب ‼️ تعرفوا لو نزل الرئة ارحم بكتير من إنه يقف في القصبة الهوائية ،و دا معناه إن التدهور السريع دا حصل لأن للاسف او غالبا لطفل البريء دا الجسم كان واقف و سادد مجري التنفس العلوي 😱😱😱 هنا لازم الإشارة إن الإسعافات الأولية بتقولك اعملوا heimlich maneuver هسيبلكم فيديو ليها تحت عشان الكل يقدر يتصرف بسرعة لحد ما تروحوا مكان مجهز لاستقبال الطفل ب منظار حنجري ، مش اي مستشفي و خلاص 🤷😔😔 #دكتور_العيال
