@kjoonka63: واللي عاوزك تكون جنبه بيقدر يفضي نفسو عشانك ويديك مساحة جواهو ويدخلك في تفاصيل حياتو. حقيقي نحن عندنا كتار الفي حياتنا بيحاولوا يحسسونا إنهم بيحبونا وعندهم مشاعر تجاهنا = لكن أفعالهم بالنسبة لينا ما كانت كافية عشان تخلينا نّطّمن ليهم ! نحن بنكون عشمانين نلقى الناس البنحبهم يطلعوا قدر كلامهم ويبرهنوا لينا مشاعرهم تجاهنا بالأفعال ! اللي بيتكلم ساي = ما زي اللي بيتكلم وبيعمل ! الأفعال هي أبسط وسيلة تخلي الزول القدامك يطّمّن ليك ويفتح ليك قلبو ! ما ينفع إنك تقول لي أنتِ أقرب إنسانة عندي وشايفك الدنيا وما فيها = وألقاك جادعني هناك في آخر الرّف وبعيدة كل البعد عن تفاصيل حياتك ! عموماً أنا في الوقت اللي بلقى فيهو الطرف القدامي مُقدرني كويس ومُحترم وجودي وبيعاملني بالتعامل الأنا بستاهلوا ! = بلقى نفسي فتحت ليهو قلبي من غير ما أحِس وبديهو بدل الفرصة الوحدة ألف لأنني ببقى مُدركة تماماً إنو هو دا فعلاً الزول اللي بيستاهل وبخُت ليهو العذر دايماً. الحٌب أبداً ما كافي عشان الناس تستمر في العلاقات بمُسماها المختلفة .. الأفعال الحلوة والتعامل السمح بيضّمِن إستمرارية الطرفين. ! للأمانة نحن ناس شبعانة كلام .. محتاجين ناس تشّبِعنا أفعال !)) محتاجين كل حاجة تتقال لينا تتطبق وكل الوعود تتنفذ وتبقى حقيقة. وبس يعني .. !! #على_عتبة_النهاية مصداقية مشاعرك تجاهي أنا بأخدها بي عين الإعتبار لما ألقى أفعالك وتعاملك معاي = إثبات لكلامك !)) في ناس شاطرين في القلنا وقال وما كل كلام بيتقال بيكون حقيقي ومفترض نحن نصّدقوا ونبني عليهو آمالنا ! لأنه ببساطة .. كتار اللي وعدونا بالبقاءَ وعند أول مَطّب إختاروا الرّحِيل !)) 👩‍🦯💔

𝕜𝕛𝕠𝕟𝕜𝕒🪐

Open In TikTok:

Region: QA

Monday 01 June 2026 03:21:02 GMT