@dr.menna.attef: **POV: لما تكتشف إن مش كل حاجة مكتوب عليها High Protein تبقى فعلًا High Protein أنا عندي اعتراف صغير 🤗 زمان كنت أول ما أشوف كلمة *High Protein* أو *Protein Snack* أو حتى *Protein Bar* أقول خلاص... ده أكيد اختيار ممتاز. لحد ما بدأت أبص على الـ nutrition facts ومن ساعتها بقيت أستخدم حسبة سريعة جدًا وأنا في السوبر ماركت: **قاعدة “ضيف صفر للبروتين”** يعني لو المنتج فيه: 10 جم بروتين ➡️ حط جنبهم صفر = 100 20 جم بروتين ➡️ 200 15 جم بروتين ➡️ 150 وبعدين قارن الرقم ده بالسعرات الحرارية. كل ما السعرات كانت أقل أو قريبة من الرقم ده، كل ما المنتج كان مركز أكتر على البروتين. تعالوا نجربها: ✅ **زبادي يوناني لايت** 17 جم بروتين 95 سعر حراري 17 ➡️ 170 95 أقل بكتير من 170 ✅ **تونة بالماء** 25 جم بروتين 120 سعر 25 ➡️ 250 برضو ممتاز 👌 ✅ **جبنة قريش** 14 جم بروتين 80 سعر 14 ➡️ 140 من أفضل الخيارات العالية بالبروتين. ✅ **صدر فراخ مشوي** 30 جم بروتين تقريبًا 165 سعر 30 ➡️ 300 👏👏👏👏 أما الحاجات اللي بتخليني أراجع نفسي شوية: ❌ **Protein Granola** 8 جم بروتين 240 سعر 8 ➡️ 80 وإحنا عند 240 😥 ❌ **Protein Cookies** 10 جم بروتين 300 سعر 10 ➡️ 100 ❌ **بعض أنواع الـ Protein Ice Cream** 12 جم بروتين 280 سعر 12 ➡️ 120 والسعرات أكتر من الضعف تقريبًا 👀 يعني أحيانًا بندفع في الدهون والسكر والطعم الحلو أكتر ما بندفع في البروتين نفسه 😅 من يومها وأنا بقيت أقرأ الأرقام قبل ما أقرأ كلمة High Protein 🤍
