Неліктен Қазақстан – петроглифтер елі? “Петроглиф ізшілері” кімдер? Қазақстанның тарихи мұрасы туралы айтқанда, мыңдаған жыл бұрын тасқа қашалып салынған көне суреттер – петроглифтерді аттап өту мүмкін емес. Бүгінде Қазақстанда ресми түрде 300-ге жуық ірі петроглиф орындары белгілі. Олардың әрқайсысында мыңнан астам сурет бар. Сонымен қатар, мыңнан аса шағын петроглиф тобы тіркелген. Тек Жетісу өңірінің өзінен 90 мыңнан астам бейне табылған, ал жалпы саны миллионнан асуы мүмкін! Қазіргі деректерге сүйенсек, әлемде Қазақстандағыдай ауқымды петроглиф мұрасы бар ел өте аз. Алайда ата-бабадан қалған бұл баға жетпес мұраға бүгінде қауіп төніп тұр. Кей жерлерде петроглифтердің маңында карьерлер жұмыс істесе, кейбір ескерткіштер уақыттың әсерінен немесе вандалдардың кесірінен бүлініп жатыр. Жүздеген петроглиф орындарының ішінде мемлекет қорғауына алынғандары санаулы ғана. Солардың қатарында «Таңбалы» петроглифтері мен «Ақ бауыр» археологиялық кешені бар. Ал қалған көне мұралар әлі де қорғансыз күйде. Сонымен қатар, петроглифтерді зерттеу ісінде де қиындық көп, маман да, ресурс та жетіспейді. Сондықтан Қазақстанда ғылыми еріктілер пайда болды ❤️ Еліміздің түкпір-түкпірінде адамдар тарихи мұраны сақтауға атсалысып жүр. Ал Алматыда «Петроглиф ізшілері» қоғамдық қоры жұмыс істейді. Бұл – Қазақстан тарихына бейжай қарамайтын, түрлі мамандық иелері мен әр жастағы адамдарды біріктірген қауымдастық. Олар бос уақытында экспедицияларға шығып, археологтарға көмектеседі, тарихи ескерткіштерді қорғауға атсалысады, дәрістер өткізеді және көне бейнелерді зерттеу үшін жасанды интеллектіні де қолданады 🤖⛰ Осындай еріктілердің арқасында Жетісудағы бірнеше археологиялық кешенді сақтап қалуға мүмкіндік туды.⠀ Петроглифтер – жай ғана тасқа салынған суреттер емес. Бұл – біздің жадымыз, тарихымыз және ұрпақтарды жалғап тұрған маңызды мұра. Сіз де өз үлесіңізді қоса аласыз. Ол үшін «Петроглиф ізшілеріне» қосылып (@kazakhstanstranapetroglifov жекеге жазыңыз) немесе экспедицияларға қолдау ретінде қайырымдылық жасай аласыз. Еріктілердің сапарлардағы барлық шығынын біз өзіміз көтереміз, сондықтан сіздің көмегіңіз біз үшін өте құнды! Видео Зарина Алтынбаева 🙏🙏🙏#қазақмәдениеті #казахскаякультура # - @ziranauryzbai