ما كان نفسي في يوم من الأيام إلا أرجع وأسمع صوتك وأكلمك وأقول ليك: سامحيني والله ما كان قصدي أجرحك ولا أوصلك لي لحظة زعل مني إنتي عارفه كل الحصل أنو كان مجرد رد فعل لإساءة طالتني لكن دا ما مبرر لأي وجع وصل ليك بسببي زمان قلت ليك إني اتغيرت وفعلاً اتغيرت اتغيرت على الدنيا كلها على الناس إلا إنتِي إنتِي الوحيدة البقيتي ثابتة جوة قلبي وما فارقتي بالي لحظة واحدة إنتي عارفاني بحبك لحدي الليلة ويمكن أفضل أحبك العمر كلو سواء كنتِ معاي أو بعيدة عني بعد فراقك بكيتك بوجع طفل فقد أمو وانعزلت عن الناس عن أصحابي وعن أهلي وحتى كلامي قل مع ناس بيتنا بقيت أسهر الليل وأصارع أفكاري لحدي الصباح ونومي بقى قليل، وحياتي كلها اتبدلت ما كتبت الكلام دا عشان أستعطفك ولا عشان أطلب منك ترجعي لكن عشان أوصل ليك اعتذار صادق من قلب موجوع يمكن أكون خسرت حق إني أكون قريب منك لكن ما فقدت إحساسي بالذنب تجاه أي دمعة نزلت من عيونك بسببي ولو كان في حاجة أتمنى أوصلها ليك قبل أي شيء فهي إني آسف... آسف من أعماق قلبي وإذا كان القدر ما كتب لينا نكون مع بعض فأسأل الله أن يرزقك السعادة والطمأنينة في كل خطوة من عمرك وأن يسامحني على كل وجع كنت أنا سببو #creatorsearchinsights #سودانيز_تيك_توك_مشاهير_السودان #خواطر - @shosh23__17