အသက် (၃၀) မတိုင်ခင် ပိုက်ဆံစုရုံနဲ့ ချမ်းသာမယ်ထင်နေရင် ခင်ဗျား မှားနေပြီ လူတော်တော်များများက ပိုက်ဆံစုတာကို အန္တရာယ်အကင်းဆုံးလို့ ထင်ကြတယ်။ ဘဏ်ထဲမှာပဲဖြစ်ဖြစ်၊ အိမ်ကသေတ္တာထဲမှာပဲဖြစ်ဖြစ် ပိုက်ဆံကို ကျစ်ကျစ်ပါအောင် ဆုပ်ထားရင် တစ်နေ့ချမ်းသာလာမယ်လို့ ယူဆကြတယ်။ ဒါပေမယ့် လက်တွေ့မှာ ငွေစုရုံသက်သက်နဲ့ ဘယ်တော့မှ မချမ်းသာနိုင်ပါဘူး။ ခင်ဗျားစဉ်းစားကြည့်ဗျာ... လွန်ခဲ့တဲ့ ၅ နှစ်က သိန်း ၃၀ နဲ့ ဝယ်လို့ရတဲ့ပစ္စည်းတစ်ခု၊ အခု သိန်း ၅၀၊ သိန်း ၁၀၀ ကျော်နေပြီလေ။ အဲ့ဒီ ၅ နှစ်လုံးလုံး ခင်ဗျား သိန်း ၃၀ ကို ဘာမှမလုပ်ဘဲ သေချာစုထားခဲ့ရင်တောင် အခုချိန်မှာ အဲ့ဒီပစ္စည်းကို ဝယ်လို့မရတော့ဘူး။ ဒါဟာ ကုန်ဈေးနှုန်းကြီးမြင့်လာမှုက ခင်ဗျား ခက်ခက်ခဲခဲ စုထားတဲ့ ပိုက်ဆံတန်ဖိုးတွေကို နေ့တိုင်း အသံတိတ် ဝါးမြိုနေတယ်ဆိုတဲ့ သက်သေပဲ။ ငွေစုခြင်းက ကာကွယ်တာဖြစ်ပြီး၊ ရင်းနှီးမြှုပ်နှံခြင်းက တိုက်စစ်ဆင်တာပါ ပိုက်ဆံကို ဒီတိုင်းသိမ်းထားတာက 'ကာကွယ်တာ' ဖြစ်ပြီး၊ အကျိုးအမြတ်ရအောင် ပြန်သုံးတာက 'တိုက်စစ်ဆင်တာ' ဖြစ်ပါတယ်။ ဘဝမှာ အောင်မြင်ချင်ရင် တိုက်စစ်ဆင်ဖို့ လိုတယ်။ အထူးသဖြင့် အသက် (၃၀) မတိုင်ခင် အရွယ်ဟာ အင်အားရော အချိန်ပါ အပြည့်အဝရှိတဲ့ အရွယ်မို့လို့ ငွေစုတာထက် စီးပွားရေးနဲ့ ရင်းနှီးမြှုပ်နှံမှုဘက်ကို ပိုပြီး ဦးစားပေးရပါမယ်။ ရင်းနှီးမြှုပ်နှံတယ်ဆိုတာ ထီထိုးတာ၊ လောင်းကစားလုပ်တာ မဟုတ်ပါဘူး။ ကိုယ့်အတွက် ပိုက်ဆံက အလုပ်ပြန်လုပ်ပေးမယ့် 'စနစ်' တစ်ခုကို သေချာတည်ဆောက်တာပါ။ ဒါကြောင့် လက်တွေ့ကျတဲ့ ဒီအချက် (၄) ချက်ကို အခုပဲ စတင်လိုက်ပါ ၁။ ကိုယ့်ကိုယ်ကိုယ် အရင်ဆုံး ရင်းနှီးမြှုပ်နှံပါ အမြတ်အများဆုံးရတာက ကိုယ့်ဦးနှောက်ထဲ ပညာထည့်တာပါပဲ။ ဥပမာ - ဘာသာစကားတစ်ခုခု ကျွမ်းကျင်အောင်သင်တာ၊ စာရင်းအင်းပညာ၊ ဒါမှမဟုတ် အရောင်းပညာတစ်ခုခုကို သေချာတတ်ထားရင် ခင်ဗျားရဲ့ ဝင်ငွေက အခုထက် နှစ်ဆ၊ သုံးဆ တက်လာနိုင်တယ်။ ပညာသင်ဖို့ သုံးတဲ့ငွေဟာ အလဟဿကုန်သွားတာမဟုတ်ဘူး၊ ဘဝအတွက် အကောင်းဆုံး ရင်းနှီးမြှုပ်နှံမှုပါ။ ၂။ ပိုင်ဆိုင်မှုနဲ့ အကြွေးကို ခွဲခြားပါ လူငယ်တွေ အမှားဆုံးက လစာလေး နည်းနည်းရတာနဲ့ နောက်ဆုံးပေါ် ဖုန်းတွေ၊ အမှတ်တံဆိပ် အဝတ်အစား အသစ်တွေကို အကြွေးနဲ့ အလုအယက် ဝယ်ကြတာပါပဲ။ အဲဒီပစ္စည်းတွေက အချိန်ကြာရင် တန်ဖိုးကျသွားမယ့် အရာတွေပါ။ အဲဒီအစား ပိုက်ဆံပြန်ဝင်လာမယ့် ရွှေ၊ မြေယာ၊ ဒါမှမဟုတ် ကိုယ်ပိုင် စီးပွားရေးလုပ်ငန်းလေးတစ်ခု စတာမျိုးကိုပဲ အရင်ဆုံး အာရုံစိုက် စုဆောင်းပါ။ ၃။ စောစောစပြီး အကျိုးအမြတ်ကို ယူပါ ရင်းနှီးမြှုပ်နှံရာမှာ ငွေပမာဏ နည်းတာ၊ များတာထက် 'ဘယ်လောက်စောစော စတင်ခဲ့လဲ' က ပိုအရေးကြီးပါတယ်။ ဥပမာ - အသက် ၂၀ ကတည်းက တစ်လကို ငွေနည်းနည်းစီ ပုံမှန် စီးပွားရေးထဲ ထည့်ဝင်လာတဲ့သူဟာ၊ အသက် ၃၀ မှ ငွေအများကြီး တစ်ပြိုင်နက်ရင်းတဲ့ သူထက် အများကြီး ပိုပြီး အကျိုးအမြတ်ရနိုင်ပါတယ်။ အချိန်ကြာလာတာနဲ့အမျှ အတိုးပေါ်အတိုးထပ်တဲ့ စွမ်းအားက ခင်ဗျားကို အံ့ဩသွားစေပါလိမ့်မယ်။ ၄။ အန္တရာယ်ကို စီမံခန့်ခွဲပါ သူများပြောတိုင်း နားမလည်ဘဲ ရမ်းလုပ်တာက အန္တရာယ် အကြီးဆုံးပါပဲ။ ကိုယ် သေချာနားလည်တဲ့၊ လေ့လာထားတဲ့ နယ်ပယ်မှာပဲ ရင်းနှီးမြှုပ်နှံပါ။ ဒါပေမယ့် သတိထားရမှာက... ကြောက်ပြီး "ဘာမှမလုပ်ဘဲ ငြိမ်နေတာက ပိုပြီး အန္တရာယ်များတယ်" ဆိုတာကိုပါပဲ။ အနှစ်ချုပ်ရရင်... ကိုယ် အသက်ကြီးလာလို့ အလုပ်မလုပ်နိုင်တော့တဲ့ အချိန်မှာ ကိုယ့်အတွက် အလုပ်လုပ်ပေးနေမယ့် စနစ်တစ်ခု ရှိနေဖို့ မဖြစ်မနေ လိုအပ်ပါတယ်။ အသက် (၃၀) ဆိုတာ မျိုးစေ့ချရမယ့် အရွယ်ပါ။ အခုကတည်းက မစရင် နောင် ၁၀ နှစ်မှာ သေချာပေါက် နောင်တရပါလိမ့်မယ်။ ကြီးပွားချမ်းသာချင်ရင် မဖြစ်မနေ လိုက်နာသင့်တဲ့ အချက်များ - • ဝင်ငွေလမ်းကြောင်း တစ်ခုတည်းအပေါ် ဘယ်တော့မှ အသက်မအပ်ထားပါနဲ့။ (အနည်းဆုံး ဒုတိယ ဝင်ငွေလမ်းကြောင်းတစ်ခု ရှာပါ) • လစာရတာနဲ့ အရင်ဆုံး (၁၀)% ကို ရင်းနှီးမြှုပ်နှံဖို့ ဖယ်ထားပါ၊ ပြီးမှ ကျန်တာကို သုံးပါ။ (Pay yourself first ကို အကျင့်လုပ်ပါ) • သူများအထင်ကြီးဖို့အတွက် ကိုယ့်မှာမရှိတဲ့ပိုက်ဆံကို အကြွေးယူပြီး မဟန်လုပ်ပါနဲ့။ • ဒီနေ့စလုပ်မယ့် ငွေတစ်ထောင်က၊ နောင်မှလုပ်မယ့် ငွေတစ်သောင်းထက် အဆများစွာ ပိုတန်ဖိုးရှိပါတယ်။ အမြင်ကို ပြောင်းပါ။ လုပ်ရပ်ကို အခုပဲ စတင်ပါ။ #ဗဟုသုတ #motivation #knowledesharing #BlessedAndThankful - @chandjfuxas