@shaimaaalali75: يمكن هلق صار وقت الوداع… وقت ودّع البلد يلي عشت فيه ثمان سنين من عمري، البلد يلي كبرت وتغيّرت فيه، والبلد يلي عشت فيه أحلى وأصعب أيام حياتي بنفس الوقت. بلد تعرّفت فيه على ناس كتير، كان في منهم المنيح وكان في منهم السيئ، وكان في جيران وأصدقاء صاروا أكتر من مجرد أصدقاء، صاروا أهل وسند وأخوات بالغربة. يمكن ما عاد تجمعنا الأيام متل قبل، ويمكن ما عاد نقدر نشوف بعض بسهولة، بس أكيد ذكرياتهم ومواقفهم معي رح تضل بقلبي طول العمر. رح اشتاق لضحكاتهم، لحكيهم، للقعدات الحلوة، وللأيام يلي قضيناها سوا. واليوم عم ارجع على بلدي… البلد يلي ولدت فيه وكبرت فيه وعشت فيه طفولتي. راجعة حتى بلّش حياة جديدة وأفتح صفحة جديدة إلي ولأولادي إن شاء الله. ورغم كل شي، عم اترك وراي بلد عطاني أغلى هديتين بالدنيا… أولادي. طلعت من بلدي من سنين وأنا شخص، وراجعة عليه اليوم وأنا إنسانة مختلفة، محمّلة بسنين من التجارب والدروس والذكريات يلي علمتني كتير وغيّرت فيني كتير شغلات. الغربة ما كانت خيار بإيدنا، بس كانت رحلة طويلة فيها أيام حلوة وأيام صعبة، فيها فرح وفيها وجع، وفيها ناس مرقوا بحياتنا وتركوا أثر ما بينتسى. وإذا كنا طول هالسنين نحلم بالرجعة ونقول يمكن بيوم من الأيام نرجع، فاليوم صار الحلم حقيقة. راجعين لعند أهلنا وناسنا، لعند الوجوه يلي اشتقنالها سنين، راجعين للحضن الدافي يلي ما بيشبهه أي حضن بالدنيا. وبتمنى من كل قلبي تكون هالرجعة بداية خير إلي ولأولادي، وبداية مليانة راحة وفرح وأيام أحلى من يلي راحت. وبالنهاية، بدي قول شكراً لهالبلد يلي حضنني تسع سنين. شكراً لأنك كنت بيت وأمان إلنا بهالفترة من حياتنا، وشكراً لكل الذكريات الحلوة يلي رح تبقى معنا وين ما رحنا. كفيتي ووفيتي… بس هلق صار وقت الوداع. وفي ناس عم تستنانا، وناس مشتاقتلنا، ولازم نرجع لعندن. وإن شاء الله بيجي يوم ومنرجع نزورك، ونمشي بنفس الشوارع، ونسترجع كل الذكريات الحلوة يلي عشناها هون. ❤ #xplore #فوريو_foryou #المانيا_السويد_النمسا_النروج_دينيمارك #CapCut #غربة
