@raheekmarketing: عارف إيه أسهل طريقة تضاعف بيها أرباح شركتك من غير ما تصرف جنيه واحد زيادة على الإعلانات؟ السر في كلمة واحدة: الـ Upselling. يعني إيه؟ يعني تخلي العميل اللي داخل يشتري منك "حاجة" واحدة، يخرج وهو شاري "حاجتين" أو واخد النسخة الأغلى وهو مبسوط وراضي . أكبر غلطة بيقع فيها أصحاب الشركات إنهم بمجرد ما العميل يقول "خلاص هشتري"، بيفرحوا ويقفلوا الفاتورة علطول ، في حين إن العميل في اللحظة دي بيكون في أعلى حالات "الاستعداد النفسي للدفع"، ومستعد يسمع منك اقتراحات زيادة. إزاي تطبق التريكة دي في شركتك؟ 👇 1️⃣ اقترح المكمّلات (Cross-Selling): العميل داخل يشتري منك كورس تسويق؟ اقترح عليه باقة معاه فيها "قوالب جاهزة لخطط المحتوى" بسعر رمزي ، داخل يشتري شوز؟ اعرض عليه شراب طبي أو سبراي الحماية ، العميل مش هيمانع يدفع 10% أو 15% زيادة فوق البيعة لو حس إنها هتكمل تجربته. 2️⃣ اعرض النسخة الأكبر/الأحدث (The Upgrade): قبل ما يقفل الحساب قوله: "بزيادة بسيطة جداً تقدر تاخد الباقة السنوية بدل الشهرية وتوفر 3 شهور ببلاش"، أو "تقدر تاخد الحجم الأكبر بخصم 30% على القطعة التانية" ، سيكولوجياً العميل بيميل لكلمة "توفير" حتى لو هيدفع أكتر. 3️⃣ اعمل "باقات" (Bundling): اجمع 3 منتجات أو خدمات مرتبطين ببعض وحطهم في باقة واحدة بسعر توفيري عن لو اشتراهم منفصلين ، العميل بيدخل يدور على منتج واحد يلاقي الباقة شكلها مغري وموفرة فيشتري الـ 3 مع بعض. متسيبش فلوس على التربيزة .... العميل اللي وثق فيك وقرر يشتري هو أسهل عميل تقدر تبيع له تاني وتالت في نفس اللحظة. درب فريق المبيعات عندك على الـ Upselling وشوف أرقامك هتروح فين. 💬 قولنا في التعليقات إيه آخر حاجة دخلت تشتريها وخرجت شاري معاها حاجات تانية بسبب الحركة دي؟ 😉 #رحيق_ماركتنج #تسويق #marketing #اعلانات #بناء_علامة_تجارية
