@myanmarinternetnews: ပဲခူးတိုင်း အုတ်ဖိုမြို့နယ်အတွင်း စစ်ကြောင်းထိုးလာသည့် စစ်တပ်ကို တော်လှန်ရေးပူးပေါင်းတပ်များ တိုက်ခိုက်မှုကြောင့် ဗိုလ်ကြီးတစ်ဦးအပါအဝင် တပ်ဖွဲ့ဝင် ၁၈ ဦး ထိခိုက်ဆုံးရှုံး ရန်ကုန်၊ မေ ၃၁ ပဲခူးတိုင်း အုတ်ဖိုမြို့နယ်အတွင်း စစ်ကြောင်းထိုးဝင်ရောက်လာသည့် စစ်တပ်စစ်ကြောင်းကို တော်လှန်ရေးပူးပေါင်းတပ်များက ကြားဖြတ်တိုက်ခိုက်မှုများ ဆက်တိုက်ပြုလုပ်ခဲ့ရာ ဗိုလ်ကြီး စိုးပြည့်ကျော် အပါအဝင် တပ်ဖွဲ့ဝင် ၁၈ ဦး ထိခိုက်ဆုံးရှုံးခဲ့ကြောင်း သာယာဝတီခရိုင် PDF တပ်ရင်း ၃၈၀၂ မှ တာဝန်ရှိသူတစ်ဦးက ပြောကြားသည်။ သတင်းရင်းမြစ်များ၏ အဆိုအရ မေလ ၅ ရက်နေ့မှ စတင်၍ ဗိုလ်ကြီး စိုးပြည့်ကျော် ဦးဆောင်သည့် စစ်ကြောင်းသည် အုတ်ဖိုမြို့နယ်အတွင်းရှိ ထွက်တိုးကျေးရွာဘက်သို့ အင်အားဖြင့် စစ်ကြောင်းထိုး ဝင်ရောက်လာခဲ့ကြောင်း သိရသည်။ အဆိုပါ စစ်ကြောင်းကို တော်လှန်ရေးပူးပေါင်းတပ်များက လမ်းကြောင်းတစ်လျှောက် ကြားဖြတ်တိုက်ခိုက်ခဲ့ရာ ကနဦး တိုက်ပွဲများအတွင်း စစ်တပ်ဘက်မှ တပ်ဖွဲ့ဝင် ၆ ဦး ထိခိုက်ဆုံးရှုံးခဲ့ပြီး ကျန်တပ်ဖွဲ့ဝင်များမှာ ထွက်တိုးကျေးရွာအတွင်းသို့ ဝင်ရောက်သွားခဲ့ကြောင်း ဆိုသည်။ ထို့နောက် မေလ ၂၁ ရက်နေ့တွင် စစ်ကြောင်းသည် ထွက်တိုးကျေးရွာမှ ဒေသခံအချို့ကို ခေါ်ဆောင်ကာ ကျီးပျက်ကျေးရွာဘက်သို့ ဆက်လက်ရွေ့လျားလာခဲ့ကြောင်း သိရသည်။ ယင်းကာလအတွင်း တော်လှန်ရေးပူးပေါင်းတပ်များက ဒရုန်းဖြင့် တိုက်ခိုက်မှုများအပြင် မြေပြင်စစ်ကြောင်းများဖြင့်လည်း ဆက်တိုက် ထိုးစစ်ဆင် တိုက်ခိုက်ခဲ့ကြောင်း၊ ကျီးပျက်ကျေးရွာအနီး တိုက်ပွဲများတွင် စစ်တပ်ဘက်မှ ဗိုလ်ကြီး စိုးပြည့်ကျော် အပါအဝင် တပ်ဖွဲ့ဝင် ၁၂ ဦး ထပ်မံ ထိခိုက်ဆုံးရှုံးခဲ့ကြောင်း သာယာဝတီခရိုင် PDF တပ်ရင်း ၃၈၀၂ က ပြောသည်။ ထိုသို့ တိုက်ခိုက်မှုများအပြီး စစ်ကြောင်းကို ဦးဆောင်နေသည့် ဗိုလ်ကြီး စိုးပြည့်ကျော် ထိခိုက်ဆုံးရှုံးခဲ့သဖြင့် စစ်ကြောင်းသည် ဆက်လက်ရှေ့တိုးနိုင်ခြင်းမရှိတော့ဘဲ မြောင်ကျေးရွာဘက်သို့ ပြန်လည်ဆုတ်ခွာသွားခဲ့ကြောင်း သိရသည်။ ဒေသတွင်း တော်လှန်ရေးအင်အားစုများကမူ အုတ်ဖိုမြို့နယ်အတွင်း စစ်ရေးအခြေအနေများ ဆက်လက်တင်းမာနေဆဲဖြစ်ပြီး ဒေသခံပြည်သူများအနေဖြင့် လုံခြုံရေးသတိဖြင့် နေထိုင်ကြရန် အသိပေးထားကြောင်း သိရသည်။ #MyanmarNews #BreakingNews #FYP #pdf

4996

127

2026-06-02 13:03:36

2026-06-02 12:50:19

To see more videos from user @myanmarinternetnews, please go to the Tikwm homepage.