@qazaqstan.tv_: Балаларды қорғау күніне орай «Balapan» телеарнасы кішкентай көрермендеріне ерекше мерекелік көңіл күй сыйлады. 1 маусым күні арна эфирінде сағат 11:00-ден 20:00-ге дейін «Мерекеңмен, балақай!» атты телемарафон өтті. Тікелей эфир барысында балалар ән айтып, би билеп, өз таланттарын көрсетті. Сондай-ақ «Balapan live» бағдарламасының қатысушылары, танымал блогер балалар, цирк әртістері мен фокусшылар мерекелік бағдарламаға қатысып, көрермендерге көтеріңкі көңіл күй сыйлады. Эфирге хабарласқан балаларға арнайы сыйлықтар берілді. Телемарафон аясында еліміздің әр өңірінен іріктелген 25 бала Астанаға арнайы шақырылды. Олардың қатарында жас тілшілер, белсенді көрермендер мен оқу озаттары бар. Олар қаланың көрікті жерлерін аралап, Kinopark кинотеатрында «Желаяқ» анимациялық фильмін тамашалады. Сондай-ақ балаларға LRT станциялары таныстырылып, арнайы экскурсия ұйымдастырылды. Мерекелік бағдарлама соңында балалар «Қазмедиа» орталығындағы «Qazaqstan» және «Balapan» телеарналарының студияларымен танысып, журналистермен кездесті. Сонымен қатар, бүлдіршіндерге Корпорация басшылығы атынан естелік сыйлықтар табысталды.

«Qazaqstan» телеарнасы

Open In TikTok:

Region: KZ

Monday 01 June 2026 15:05:17 GMT