@leen.aljord: ⁨ من عمر السنة تقريباً، الطفل ما بيكون عم يتعلم بس شو المسموح وشو الممنوع… هو كمان عم يتعلم إذا كلام أهله إله وزن ولا لا. الطفل بهالعمر ما بيتعلم الحدود من تكرار الكلام. بيتعلمها من النتيجة اللي بتصير بعد الكلام. لما قله: “لا تعض الطاولة” وبعدين أبعده عن الطاولة بهدوء… هون بيبلش يفهم معنى الكلمة. مع الوقت بيتعلم إن “لا” إلها معنى، وإن اللي انحكى رح يصير عليه فعل. أما لما تنعاد نفس الكلمة عشرات المرات بدون أي تدخل… فطبيعي تصير أقل قيمة بالنسبة إله. خصوصي بعمر السنة لحد 3 سنين، لما الطفل لسه عم يبني فهمه للحدود ومعاني الكلمات، وعم يتعلم إذا الكلام اللي بيسمعه رح يتبعه فعل ولا لا. وبنفس الوقت، فضوله وحبه للاستكشاف بهالعمر شي طبيعي جداً. لهيك الهدف مو إننا نمنعه من الاستكشاف… الهدف إننا نوجهه للمكان الصح. إذا بده يعض، منأمنله شي مناسب يعضه. إذا بده يستكشف، منأمنله مساحة آمنة يستكشف فيها. لأن الحدود الصحية ما معناها نكسر رغبات الطفل أو نمنعه من التجربة… معناها نساعده يشبع هالرغبات بطريقة مناسبة وآمنة. #تربية #امهات_تيك_توك #اطفال_التيك_توك #الحزم #عناد

Leen.aljord

Open In TikTok:

Region: FR

Monday 01 June 2026 17:46:33 GMT