@takyk.com.tm: #takyk #Türkmenistan #ykdysadiýet #dokma Dünýäniň öňdebaryjy brendleri Aşgabatda tanyşdyrylar. 4–6-njy iýun aralygynda Aşgabatda “Turkmentextile Expo 2026” atly halkara sergi we maslahat geçiriler. Bu halkara çärä Türkmenistandan başlap, Türkiýe, Hytaý, Italiýa, Özbegistan, Hindistan, Şweýsariýa we Germaniýa ýaly dünýäniň öňdebaryjy döwletleri gatnaşar. Sergide Baýramaly we Ruhabat dokma toplumlary, “Röwşen Aýakgap”, “Abadan Haly” ýaly ýerli kärhanalar bilen birlikde, Dilmenler Makine, Sarteks, Rieter, Marzoli, Bianco, Azalia Textile hem-de Bajaj Steel Industries ýaly iri halkara kompaniýalar öz önümlerini we innowasion çözgütlerini tanyşdyrarlar. Çäräniň çäginde global brendleriň çykyşlary, halkara dizaýnerleriň gatnaşmagynda moda görkezilişleri, ýokary derejeli seminarlar we okuw maslahatlary geçiriler. Şeýle hem alyjylar bilen gönüden-göni işewürlik duşuşyklary guralyp, täze hyzmatdaşlyk mümkinçilikleri ara alnyp maslahatlaşylar. “Turkmentextile Expo 2026” Türkmenistanyň dokma pudagynyň kuwwatyny dünýä tanatmaga we halkara işewürlikde täze mümkinçilikleri açmaga gönükdirilen möhüm platforma bolar.

TAKYK

Open In TikTok:

Region: TM

Tuesday 02 June 2026 08:03:06 GMT