@aghazzada_: İnsanoğlu bədəninə və şüuruna baxıb "mən xüsusi layihəyəm" deyir. Amma dərininə getsək, insan – təbiətin milyonlarla illik xaotik sınaq-səhv metodunun, qanlı təbii seçilim süzgəclərinin və trilyonlarla uğursuz mutasiyanın içindən təsadüfən və şanslı olaraq sağ çıxa bilmiş bəsit bir primat növüdür. Tarixdə yaşamış canlı növlərinin 99%-i yox olub, biz sadəcə o qan gölünün içindən təsadüfən keçib gələn 1%-ik. Biz "dizayn" olunmamışıq, şəraitə məcburi uyğunlaşmışıq. İnsanın şüur qazanması onu kainatın ağası etmir. Şüur – bəbirlərin pəncəsi, qartalların gözü, köpəkbalıqlarının dişləri nədirsə, Homo Sapiens üçün də elə bəsit bir sağ qalma mexanizmidir. Biz bu mexanizmlə ətrafı dərk edə bildiyimiz üçün özümüzü mütləq varlıq elan etdik, kosmik xaosun ortasında qorxudan özümüzə cənnətlər, cəhənnəmlər və mütləq imtahanlar olduğunu dedik. Özümüzü o qədər böyütdük ki, trilyonlarla qalaktikanın məhz bizim namaz qılıb-qılmamağımızı yoxlamaq üçün yaradıldığına inandıq. Bizim qalaktikamız olan Südyolunda 400 milyarda yaxın ulduz var. Müşahidə olunan kainatda isə 2 trilyondan çox qalaktika var. Sonsuz qara dəliklərin, partlayan supernovaların və mütləq soyuq vakuum xaosunun içində, ucqar bir qalaktikanın, bəsit bir ulduzunun ətrafında fırlanan toz dənəsinin üzərindəki mikroskopik canlılarıq. Bu reallıq insanı qorxudur və dəyərsiz hiss etdirir, amma əslində bu əsl azadlıqdır! Kainatın sənə xüsusi bir missiya vermədiyini, sənin üçün cənnət və ya cəhənnəm planlaşdırmadığını anladığın an – sən öz həyatının tək memarı olursan. Biz göydən mütləq bir məna gözləməli deyilik, o mənanı bu qısa və unikal həyatın daxilində özümüz yaratmalıyıq. Əsl humanistlik – kainatın bu amansız xaosunun fərqinə varıb, sağ qala bildiyimiz bu bir neçə onillik ömürdə bir-birimizə zərər vermədən, elmlə, sevgiylə və obyektiv reallıqla yaşamaqdır. Kainatın bizə ehtiyacı yoxdur, amma bizim bir-birimizə ehtiyacımız var. Özünü böyütməyi dayandır və reallığı kəşf et ❤️ #kəşfetazərbaycan #keşfet #evren #insan #din

Ayaz Ath

Open In TikTok:

Region: AZ

Tuesday 02 June 2026 16:14:40 GMT