@sufianmzimbiri: Wakati ilipoteremshwa kauli ya Mwenyezi Mungu: "Kila nafsi itaonja mauti." (Aal Imran: 185) Malaika wakasema: "Sisi si nafsi, bali ni roho safi." Kisha ikateremshwa kauli Yake: "Kila kilichomo juu ya ardhi kitaangamia." (Ar-Rahman: 26) Malaika wakasema: "Sisi hatuko ardhini, bali ni wakaazi wa mbinguni." Hapo ikateremshwa kauli ya Mwenyezi Mungu: "Kila kitu kitaangamia isipokuwa Uso Wake. Hukumu ni Yake, na Kwake mtarejeshwa." (Al-Qasas: 88) Malaika wakasujudu kwa Mwenyezi Mungu na kusema: "Ametakasika Yule ambaye Yeye peke yake ndiye Mwenye kubaki milele." Kisha malaika, majini, wanadamu na kila kilichoko ardhini na mbinguni vitakufa, isipokuwa Malaika wa Mauti. Mwenyezi Mungu atamuuliza: "Ewe Malaika wa Mauti, ni nani aliyebaki miongoni mwa viumbe?" Atasema: "Mola wangu! Wamebaki Jibril, Mikail, Israfil na mimi mtumwa wako niliyesimama mbele Yako." Mwenyezi Mungu atasema: "Ichukue roho ya Jibril, ewe Malaika wa Mauti." Naye ataichukua. Kisha Mwenyezi Mungu atamuuliza tena: "Ni nani aliyebaki?" Atasema: "Mikail, Israfil na mimi mtumwa mnyonge mbele Yako." Mwenyezi Mungu atasema: "Ichukue roho ya Mikail." Naye ataichukua. Kisha atasema: "Ichukue roho ya Israfil." Naye ataichukua. Halafu Mwenyezi Mungu atamuuliza: "Ni nani aliyebaki?" Atasema: "Hakuna aliyebaki isipokuwa mimi mtumwa mnyonge mbele Yako." Mwenyezi Mungu atasema: "Kufa ewe Malaika wa Mauti... kufa ewe Malaika wa Mauti." Naye atakufa. Inasemekana kwamba wakati anapohisi machungu ya mauti atasema: "Kwa Utukufu na Ujalali Wako, lau ningejua kwamba machungu ya mauti ni makali kiasi hiki, ningekuomba uniepushe na jukumu la kuzichukua roho za waja." Kisha Mwenyezi Mungu ataitazama dunia ikiwa tupu na kuangamia, na atasema: "Ewe dunia! Ziko wapi mito yako? Ziko wapi miti yako? Ziko wapi bahari zako? Ziko wapi majumba yako? Wako wapi wafalme? Wako wapi watoto wa wafalme? Wako wapi wale walioishi katika neema Zangu lakini wakawa wanamuabudu asiyekuwa Mimi?" Kisha atasema: "Leo ufalme ni wa nani? Leo ufalme ni wa nani?" Na jibu litakuwa: "Ni wa Mwenyezi Mungu Mmoja, Mwenye Kushinda kila kitu." Allah atupe mwisho uliokuwa mwema, Kama umesoma mawaidha haya usiondoke bure bali acha athari njema kwa kuandika moja miongoni mwa majina matukufu ya Allah Subhaanahu wataala ♥️☝️☪️ #creatorsearchinsights #sufianmzimbiri

Sufiani Mzimbiri

Open In TikTok:

Region: TZ

Tuesday 02 June 2026 19:15:05 GMT