اخذت القهوه من ورا الباب و اول مالفيت لقيت ميلان و من دون مقدمات شدتني بقووه لها و سحبت القهوه من يدي و رمتها بالأرض بعصبيه فتحت عيوني بصدمه يوم شفتها رمت القهوه ب ذي على الأرض قالت و هي تتكلم من بين اسنانها : تعانديني اجل هاه ؟ قلت : ابعددي عني ميلان قاعده تعوريني شدت علي كتفي اكثر و رجعت قالت: اوريك ياليان قلت و انا احس ب دمي يغلي : ييااخي ماني حبيبتك عشان تزعلين لا عاندتك او ما سمعت كلامك حنا مابيننا اااي شي اتمنى تتذكرين ذا الشي و لو كان بيننا ف انا نسييته ! و استحي على نفسك شوي كنتي تحاسبيني اني خنت ثقتك يوم كلمت ميان من ورا ظهرك و الحين قاعده تسوين نفس الشي بالضبط ب شموخ و قبل لا امشي قالت : و انا من هاللحظه اعتبري نسيته و مايصير خاطرك الا طيب ما انكر ان قلبي عورني وقتها ما كنت ابي هالشي كان مكابرري داايم يخرب علي و دايم كنت اقول عكس الي بداخلي دخلت على طول و اول ما دخلت قالت لمار : شدعوه ؟ سااعة عشان تاخذين الطلب ؟ قلت بشكل مختصر قبل اروح لغرفتي : طاحت بالحوش و رحت على طول من دون ما اسمع جوابها و دخلت غرفتي غيرت ملابسي على طول و مسحت ميكبي و لجأت للنوم كالعاده خلونا نجي الحين للأحداث المهمه و الي هي بعد انقطاع خمس شهور ! اي اي انقطعنا خمس شهور بتحسبون ان من سوء التفاهم الي بيننا او لأن ما نشبه بعض بس السبب كان ان ولا احد فينا كان راضي يستسلم او يخسر و يبادر للثاني من ناحيتي انا الي كنت ناويه اجرحها زي ماجرحتني و من ناحيتها هي الي كانت تمثل عدم الأهتمام بهجرها "نجي بعد خمس شهور " كنت ذبلاننه جسد بلا روح كان الشوق يقطعني و كل يوم تزيد لهفتي و شوقي لها هالأيام كبرتنا كثييير مب بس شكليًا و انما غيرت ارواحنا و غيرت شخصياتنا خلتنا اقسى و اهداء و اعقل كنت مرره متعمقه بالكتب و الروايات لأن كانوا اكثر شي انعزل فيه و الجأ له وقت فراغي ، تعبي ، حزني ف كنت كل ما اشوف مكتبه ادخلها عشان اشتري اقل شي ثلاث كتب منها ثقافيه و منها روايات و كنت كل يوم ادخل ابحث عن كتب و روايات عليهم مدح و الناس مستمتعه فيهم و بيوم من الأيام و انا قاعده اسوق تذكرت كتاب كنت ابيه ناظرت مكاني و فتحت اللوكيشن ابحث عن اقرب مكتبه بالمنطقه الي انا فيها و طلع اقرب مكتبه عند جامعه ميلان بس ما ركزت اصلًا و كانت تبعد نص ساعه وصلت و قعدت ادور عن الكتاب الي ابيه و اشوف كتب ثانيه تشدني عناوينها و كنت امشي و اخذ كتب و روايات معي من دون ما احس و ناظرت قدامي شوي شفت وحده شعرها طويل مو مره بس يعني نازل على رقبتها يعني بين القصير و البوي و نازل على وجهها و واقفه بشكل مستقيم و ملفت بعدت نظري و رجعت ابحث عن الكتاب الي ابيه و فجأه لفت هالبنت ناظرتها على طول و انا عندي فضول تجاه ملامحها تصنمت بمكاني يوم شفت وجهها ما توقعت الصدف ممكن تجمعنا بعد كل هالفتره كانت متغيييره ١٨٠ درجه ماعرفتها بالبدايه ، كانت مطوله شعرها و شكلها الخارجي صاير اهدى كأنها كبرت بدون مقدمات ملامحها خاليه من التعابير صحيت من شرودي يوم شفتها هي كمان سرحانه فيني ممكن وقتها كلنا كنا مستغربين من تغيّرنا المفاجئ تقربت بخطوات محسوبه و قالت بصوت هاادئ : اخبارك ليان عساك طيبه ما كنت مصدقه اني قاعده اسمع صوتها من بعد شهوررر طوييله قلت بنفس الهدوء : الحمدلله و انتِ طمنيني عنك ؟ قالت : الحمدلله بنعمة ، اوه صايره تقرأين كتب ؟ قلت : ايي عاد تصدقين احسهم صاروا هوايه احب اشتري اكثر من كتاب و اكثر من روايه و اقراهم كلهم بيوم واحد و عاد يوم اجي المكاتب اضضييع كل عنوان يشوق اكثر من الثاني سكتت فجأة يوم شفت انطلاقي بالكلام ابتسمت و قالت : والله و تغيرتي و صرتي تحبين الكتب بعد ما كانوا بالنسبه لك مجرد حروف على ورق سرحت ثواني بملامحها الهادية و شعرها الي كان جزء منه يلامس خدها و الجزء الثاني يلامس رقبتها بشكل يسحر و قلت و انا تايهه بملامحها : امم و حتى انتِ تغيرتي مره بعد ما كنتي تقولين مستحيل اطول شعري قالت وهي تضحك بخفه : لا لا متوهمه انا للحين عند كلامي بس عشان فاينل و تراكمات و دراسه ف هملته فتره و طول ذبت يوم شفت اسنانها الي ظهرت اثر ضحكها و قلت لا شعوريًا : تهبلين قالت : هاه ؟ قلت : اا اقصد خليه كذا مره حلو ابتسمت يوم لاحظت توتري و كان الوقت يعدي و حنا نسولف من دون انقطاع و كأننا متلهفين لسوالف بعضنا و ننتظرها من زمان جيت احاسب على الكتب الا تحط يدها على يدي و تحط كتاب هي اخذته فوق كتبي و حاسبت عني وقالت : ذا هديه مني لك مناسبه انك تحبين تقرأين و كان الكتاب / مدينة الحب لا يسكنها العقلاء قلت لها بفضول : طيب انتِ قاريته ؟ قالت : اي و تراه نصه اقتباسات و كلام معبر اخذته بحماس و انا بداخلي ابي اعرف وش عجبها فيه و ليه هدتني هو انا بالذات ؟؟ سلمت عليها و رجعت سيارتي حطيت الكتب جنبي و ذا الكتاب الوحيد الي كنت حاطته فحضني فتحته بفضول و يوم وصلت صفحه خمسه كانت … #wlw - @l661503