کچھ محبتیں نصیب میں نہیں ہوتیں، مگر پھر بھی پوری زندگی پر اپنا نام لکھ جاتی ہیں وہ جانتا تھا کہ میں اُس کی منزل نہیں ہوں، میرے نام کی لکیر اُس کی ہتھیلی میں نہیں کھینچی گئی، پھر بھی اُس نے محبت کی۔ ایسی محبت جو کسی وعدے، کسی امید، کسی صلے کی محتاج نہیں تھی۔ وہ میرے ساتھ مستقبل کے خواب نہیں بُنتا تھا، کیونکہ اُسے حقیقت کا علم تھا، مگر پھر بھی میری ہر خوشی میں خوش ہوتا اور ہر اداسی میں خاموشی سے ٹوٹ جاتا تھا۔ کبھی کبھی میں سوچتا ہوں کہ دنیا میں سب سے امیر لوگ وہ نہیں جن کے پاس دولت ہوتی ہے، بلکہ وہ ہوتے ہیں جنہیں بے غرض محبت کرنے والے لوگ مل جاتے ہیں۔ کیونکہ محبت کرنا آسان ہے، مگر یہ جانتے ہوئے محبت کرنا کہ ایک دن یہ شخص تمہارا نہیں ہوگا، اپنے دل کو ہر روز تھوڑا تھوڑا دفنانے کے برابر ہے وہ میرے قریب تھا مگر میرے نصیب میں نہیں۔ اُس کے دل میں میرے لیے دعائیں تھیں، مگر قسمت کے فیصلوں میں اُس کا نام شامل نہیں تھا۔ پھر بھی اُس نے کبھی شکوہ نہیں کیا۔ اُس نے محبت کو عبادت کی طرح نبھایا، مانگنے کی چیز نہیں سمجھا۔ شاید اسی لیے اُس کی محبت آج بھی یاد آتی ہے تو دل احترام سے جھک جاتا ہے۔ ہم عمر بھر اُن کے پیار کے قرض دار رہیں گے، جنہوں نے ہمیں حاصل کرنے کے لیے نہیں بلکہ ہمیں خوش دیکھنے کے لیے محبت کی۔ جنہوں نے اپنے خوابوں کی قربانی دے کر ہماری مسکراہٹ کو ترجیح دی۔ جنہوں نے یہ جانتے ہوئے بھی دل لگایا کہ ایک دن اُنہیں خالی ہاتھ لوٹ جانا ہے اور سچ تو یہ ہے کہ کچھ لوگ زندگی میں محبوب نہیں بن پاتے، مگر محبت کی تعریف ضرور بن جاتے ہیں. کیونکہ ہر عشق کا انجام وصال نہیں ہوتا، کچھ عشق صرف یہ سکھانے آتے ہیں کہ بے غرض محبت آج بھی دنیا کی سب سے خوبصورت حقیقت ہے #standwithkashmir #flypシ #viralvideo #onemillonaudition #fyppppppppppppppppppppppp - @irha.rajpoot5