بقالي سنين بلف وادور حوالين السؤال ده، وكل ما أحاول أقنع نفسي إن الأيام كفيلة بالنسيان، بكتشف إننا بنضحك على نفسنا بكذبة كبيرة. الحقيقة المرة يا صاحبي إن البني آدم مابينساش الشخص اللي سكن روحه، ومابينساش أول حد علمه يعني إيه حب، وأول حد شاركه ضحكته وخوفه وأسراره بليل. إحنا مابننساهمش.. إحنا بس بنتعلم إزاي نعيش من غيرهم، بنتعلم إزاي ندفن ملامحهم جوه حتة ضلمة في قلوبنا ومابنفتحهاش قدام حد. النسيان ده وهم.. بدليل إنك ممكن تكون قاعد في قمة روقانك، ونازل مع صحابك وبتضحك، وفجأة تعدي من شارع مشيتوا فيه سوا، أو تسمع أغنية كانت بتجمعكم، أو تشم ريحة برفيوم شبه ريحتهم.. فتلاقي قلبك اتنفض في ثانية، والضحكة تاهت من على وشك، ورجعت في لحظة واحدة لنقطة الصفر وكأن الفراق كان امبارح مش من سنين. طيفهم بيفضل عايش في تفاصيل يومنا، في السرحان اللي بيجيلنا قبل النوم، وفي التنهيدة اللي بتطلع من الروح لما نفتكر الوعود اللي طارت في الهوا. إحنا مابننساهمش، إحنا بس بنوصل لمرحلة "التعايش".. مرحلة إننا بنبص لصورهم القديمة بابتسامة باهتة مفيهاش عتاب، وبنسمع سيرتهم من غير ما عيونا تدمع، بس بيفضل في القلب شرخ ووجع صامت مبيتمحيش. الحب الحقيقي ملوش تاريخ صلاحية ومبيتغسلش بالأيام.. هو بيفضل معلم جوه الروح، زي الندبة اللي في الإيد، الجرح بيخف ويقفل.. بس علامته بتفضل موجودة طول العمر عشان تفكرك إنك في يوم من الأيام.. أحببت بصدق. #ريبوست - @dailyreposts05